General "şabalıd işi" üzrə keçirilən məhkəməyə gedəcək
General-mayor Raul Zeynalovun da adı keçən "şabalıd işi" üzrə bugünkü məhkəmə prosesi media üçün qapadılıb.
Median.Az "Qafqazinfo"ya istinadən xəbər verir ki, hakim zərərçəkmiş şəxslərin istəyi ilə belə qərar qəbul edib.
Təqsirləndirilən kapitan Ayaz Bayramov özü prosesin media nümayəndələrinin iştirakı ilə keçirilməsini xahiş etsə də, zərərçəkmişlərin istəyi nəzərə alınıb.
Bu gün iclasda əsas zərərçəkmişlərdən biri - Fövqəladə Hallar Nazirliyinin (FHN) şöbə müdiri, polkovnik-leytenant Yasin Muradov da ifadə verib. O və digər zərərçəkmiş Kəmalə Əliyeva jurnalistlərin zalda iştirakına qarşı çıxıblar. Onlar təqsirləndirilən şəxsin külli miqdarda pullarını ələ keçirdiklərini bildirərək bunu şəxsi məsələ kimi qiymətləndiriblər.
Prosesə sədrlik edən hakim jurnalistlərin zalda qalmasına icazə verməyərək onları zaldan kənarlaşdırıb.
Prosesin tərəflərin qarşılıqlı ittihamları ilə gərgin keçdiyi, təqsirləndirilən şəxsin ona 200 min manatdan çox pul verdiyini deyən zərərçəkmiş Yasin Muradovla mübahisə etdiyi məlum olub. Ayaz Bayramov yenə zərərçəkmişlərin Raul Zeynalovun sifarişi ilə danışdıqlarını deyib.
Əldə olunan digər məlumata görə, növbəti dəfə general Raul Zeynalov məhkəməyə çağırılacaq.
Qeyd edək ki, kapitan Ayaz Bayramov FHN-də işləyib. O, işlədiyi idarənin rəis müavini olmuş general Raul Zeynalov, idarənin daha iki zabiti və başqa 6 nəfərin 3 milyon manata yaxın pulunu dələduzluqla ələ keçirməkdə ittiham olunur. Təqsirləndirilən şəxs bir neçə gün əvvəl saxlanıldığı istintaq təcridxanasından 28 vərəqlik məktub göndərib. Kapitan həbsinə görə general Raul Zeynalovu günahlandırıb, onun general rütbəsinə və nazirliyin adına xələl gətirən hərəkətlərinə görə işdən qovulduğunu deyib.
Median.Az "Qafqazinfo"ya istinadən xəbər verir ki, hakim zərərçəkmiş şəxslərin istəyi ilə belə qərar qəbul edib.
Təqsirləndirilən kapitan Ayaz Bayramov özü prosesin media nümayəndələrinin iştirakı ilə keçirilməsini xahiş etsə də, zərərçəkmişlərin istəyi nəzərə alınıb.
Bu gün iclasda əsas zərərçəkmişlərdən biri - Fövqəladə Hallar Nazirliyinin (FHN) şöbə müdiri, polkovnik-leytenant Yasin Muradov da ifadə verib. O və digər zərərçəkmiş Kəmalə Əliyeva jurnalistlərin zalda iştirakına qarşı çıxıblar. Onlar təqsirləndirilən şəxsin külli miqdarda pullarını ələ keçirdiklərini bildirərək bunu şəxsi məsələ kimi qiymətləndiriblər.
Prosesə sədrlik edən hakim jurnalistlərin zalda qalmasına icazə verməyərək onları zaldan kənarlaşdırıb.
Prosesin tərəflərin qarşılıqlı ittihamları ilə gərgin keçdiyi, təqsirləndirilən şəxsin ona 200 min manatdan çox pul verdiyini deyən zərərçəkmiş Yasin Muradovla mübahisə etdiyi məlum olub. Ayaz Bayramov yenə zərərçəkmişlərin Raul Zeynalovun sifarişi ilə danışdıqlarını deyib.
Əldə olunan digər məlumata görə, növbəti dəfə general Raul Zeynalov məhkəməyə çağırılacaq.
Qeyd edək ki, kapitan Ayaz Bayramov FHN-də işləyib. O, işlədiyi idarənin rəis müavini olmuş general Raul Zeynalov, idarənin daha iki zabiti və başqa 6 nəfərin 3 milyon manata yaxın pulunu dələduzluqla ələ keçirməkdə ittiham olunur. Təqsirləndirilən şəxs bir neçə gün əvvəl saxlanıldığı istintaq təcridxanasından 28 vərəqlik məktub göndərib. Kapitan həbsinə görə general Raul Zeynalovu günahlandırıb, onun general rütbəsinə və nazirliyin adına xələl gətirən hərəkətlərinə görə işdən qovulduğunu deyib.
