Bakıda sifarişlə qurdurluq etməkdə təqsirləndirilən şəxslərə hökm oxunub
Bakıda sifarişlə qurdurluq etməkdə təqsirləndirilən Cavad Allahverdiyev, sifarişçi Rəfael Tağızadə və Fariz Məmmədovun cinayət işi üzrə məhkəmə prosesi keçirilib.
Bakı Ağır Cinayətlər Məhkəməsində hakim Aygün Qurbanovanın sədrliyi ilə keçirilən prosesdə hökm oxunaraq hər üç şəxsə 10 il müddətinə azadlıqdan məhrumetmə cəzası verilib.
Qeyd edək ki, hadisə ötən ilin iyun ayında paytaxtın Nərimanov rayonunda baş verib. Daxili İşlər Nazirliyinin yaydığı məlumata görə, Bakı şəhər sakini olan bir nəfər yaşadığı binadan həyətə düşən zaman qara maskalı naməlum şəxs ona hücum edərək müxtəlif dərəcəli bədən xəsarətləri yetirib və zərərçəkmişin əlindəki içərisində 61 500 manat olan sellofan paketi götürərək hadisə yerindən uzaqlaşıb.
Nərimanov Rayon Polis İdarəsinin əməkdaşlarının həyata keçirdikləri tədbirlər nəticəsində hadisəni törətməkdə şübhəli bilinən, əvvəllər məhkum olunmuş 1987-ci il təvəllüdlü Cavad Allahverdiyev saxlanılıb. Həmin şəxs ifadəsində cinayəti tanışı Fariz Məmmədovun iştirakı ilə və digər tanıdığı - əvvəllər məhkum olunmuş 1955-ci il təvəllüdlü Rəfael Tağızadənin sifarişi ilə törətdiyini bildirib. Əlavə əməliyyat tədbirləri nəticəsində qeyd olunan şəxslərin də saxlanılması təmin edilib. Onlardan cinayət yolu ilə əldə etdikləri 32 500 manat aşkarlanaraq maddi sübut kimi götürülüb. Araşdırmalarla müəyyən edilib ki, Rəfael Tağızadə zərərçəkmişlə cəzaçəkmə müəssisəsində tanış olub və onda külli miqdarda pul olacağını əvvəlcədən bilib. Bundan sonra o, tanışı Cavad Allahverdiyevə həmin cinayəti törətməyi sifariş edib.
Faktla bağlı cinayət işi açılıb. Cavad Allahverdiyev, Rəfael Tağızadə və Fariz Məmmədovun barəsində Cinayət Məcəlləsinin 181.3.2-ci (Quldurluq, külli miqdarda əmlak əldə etmək məqsədilə törədildikdə) maddəsi ilə yekun ittiham elan olunub.
//oxu.az
Bakı Ağır Cinayətlər Məhkəməsində hakim Aygün Qurbanovanın sədrliyi ilə keçirilən prosesdə hökm oxunaraq hər üç şəxsə 10 il müddətinə azadlıqdan məhrumetmə cəzası verilib.
Qeyd edək ki, hadisə ötən ilin iyun ayında paytaxtın Nərimanov rayonunda baş verib. Daxili İşlər Nazirliyinin yaydığı məlumata görə, Bakı şəhər sakini olan bir nəfər yaşadığı binadan həyətə düşən zaman qara maskalı naməlum şəxs ona hücum edərək müxtəlif dərəcəli bədən xəsarətləri yetirib və zərərçəkmişin əlindəki içərisində 61 500 manat olan sellofan paketi götürərək hadisə yerindən uzaqlaşıb.
Nərimanov Rayon Polis İdarəsinin əməkdaşlarının həyata keçirdikləri tədbirlər nəticəsində hadisəni törətməkdə şübhəli bilinən, əvvəllər məhkum olunmuş 1987-ci il təvəllüdlü Cavad Allahverdiyev saxlanılıb. Həmin şəxs ifadəsində cinayəti tanışı Fariz Məmmədovun iştirakı ilə və digər tanıdığı - əvvəllər məhkum olunmuş 1955-ci il təvəllüdlü Rəfael Tağızadənin sifarişi ilə törətdiyini bildirib. Əlavə əməliyyat tədbirləri nəticəsində qeyd olunan şəxslərin də saxlanılması təmin edilib. Onlardan cinayət yolu ilə əldə etdikləri 32 500 manat aşkarlanaraq maddi sübut kimi götürülüb. Araşdırmalarla müəyyən edilib ki, Rəfael Tağızadə zərərçəkmişlə cəzaçəkmə müəssisəsində tanış olub və onda külli miqdarda pul olacağını əvvəlcədən bilib. Bundan sonra o, tanışı Cavad Allahverdiyevə həmin cinayəti törətməyi sifariş edib.
Faktla bağlı cinayət işi açılıb. Cavad Allahverdiyev, Rəfael Tağızadə və Fariz Məmmədovun barəsində Cinayət Məcəlləsinin 181.3.2-ci (Quldurluq, külli miqdarda əmlak əldə etmək məqsədilə törədildikdə) maddəsi ilə yekun ittiham elan olunub.
//oxu.az
