Ramana qəsəbəsində yerləşən 338 saylı tam orta məktəbdə oxuyan şagirdlərin valideynləri iddia edirlər ki, təhsil ocağında müəllim çatışmazlığı mövcuddur. Onların sözlərinə görə, məktəbdə bir yox, bir neçə fənn üzrə müəllimə ehtiyac var.
Məsələ ilə bağlı məktəb rəhbərliyinin mövqeyi öyrənilməyə çalışılsa da, direktor iclasda, direktor müavini isə dərsdə olduğundan suallar cavabsız qalıb.
Təhsil ocağındakı müəllim çatışmazlığı ilə bağlı Bakı Şəhəri üzrə Təhsil İdarəsi də məlumatlıdır. Qurumun rəsmi açıqlaması isə belə olub:
"Paytaxtdakı 338 nömrəli tam orta ümumtəhsil məktəbi tərəfindən cari dərs ili üçün 7 fənn üzrə vakansiya təqdim edilib. Müəllimlərin işə qəbulu müsabiqəsi vasitəsilə 5 vakant yer müəllimlə təmin edilib. Digər iki fənn üzrə tutulmayan vakansiyaların da müəllimlə təmin edilməsi üçün müvafiq tədbirlər görülməkdədir".
Daha ətraflı Baku TV-nin videomaterialında:
Şahidi olduğunuz hadisələri çəkib bizə göndərin!
Son Əlavə