Tehran şəhərinin "Bağe Feyz" məhəlləsində məscid imamı soyuq silahla hücuma məruz qalıb və aldığı xəsarətlərdən dünyasını dəyişib.

"Azad İran" "Telegram" kanalının məlumatına görə, hadisə namaz vaxtı baş verib.

Bildirilir ki, təxminən 40 yaşında olan şəxs imama qarın və ayaq nahiyələrindən iki bıçaq zərbəsi endirib. Molla dərhal xəstəxanaya çatdırılsa da, həkimlərin müdaxiləsi nəticə verməyib.

Hücum edən şəxs polis tərəfindən saxlanılıb. İlkin ifadəsində cinayətə səbəb kimi zəif dolanışıq və şəxsi problemləri olduğu göstərilib.скачать dle 11.3