İlham Əliyev Donald Trampa təşəkkür etdi - FOTO

Azərbaycan Prezidenti İlham Əliyev ABŞ-nin Prezidenti Donald Trampa təşəkkür edib.

Bununla bağlı İlham Əliyev sosial şəbəkədə paylaşım edib.

"Hörmətli Donald Tramp, "Truth Social" hesabınızda söylədiyiniz xoş sözlərə görə təşəkkür edirəm. Azərbaycan və Ermənistan arasında sülh prosesinin irəliləməsində və tarixi Vaşinqton Sammitinə ev sahibliyi etməyinizdə oynadığınız mühüm rolu dərindən qiymətləndirirəm. Siz Azərbaycan və Amerika Birləşmiş Ştatları arasında əbədi dostluğun və formalaşmaqda olan strateji tərəfdaşlığın memarısınız. Dostluğumuzu çox yüksək dəyərləndirirəm", - Azərbaycan Prezidenti yazıb.