Gəncə şəhərində yerləşən ictimai iaşə obyektlərində Qida Təhlükəsizliyi Agentliyi (AQTA) tərəfindən aparılan monitorinqlər zamanı "Kolorit" restoranında ciddi sanitar-gigiyenik pozuntular müəyyən edilib.

AQTA-nın Gəncə-Daşkəsən regional bölməsindən daxil olan məlumata görə, 2025-ci ilin sentyabr və oktyabr aylarında Gəncə və Göygöl ərazilərində keçirilən III MDB Oyunları ilə əlaqədar olaraq bölgədə fəaliyyət göstərən qida obyektlərində monitorinqlər aparılır.

Monitorinqlər zamanı Cavadxan küçəsi 2 ünvanında, Ələsgərov Simur Müsahib oğluna məxsus "Kolorit" restoranında aşağıdakı nöqsanlar qeydə alınıb:

- Anbar sahəsi standartlara uyğun deyil;
- Döşəmə və tavan örtükləri zədəlidir, tamlıq pozulub;
- Mətbəxin divar səthində kafellər sınıb;
- Havalandırma sistemi normativlərə cavab vermir;
- Fritoz yağları vaxtında dəyişdirilmir;
- Müvafiq təmizlik işləri görülmür;
- Manqal sahəsində işıqlandırma zəifdir;
- Eyni sahədə kanalizasiya boruları açıq vəziyyətdədir.

Agentlik tərəfindən bildirilib ki, bu cür hallar ictimai iaşə obyektlərində əhalinin sağlamlığı üçün ciddi təhlükə yaradır. AQTA istehlakçı hüquqlarının qorunması və təhlükəsiz qida təminatı istiqamətində tədbirlərini bundan sonra da davam etdirəcək, qanun pozuntularına qarşı qətiyyətli mübarizə aparacaq.






скачать dle 11.3