Şəhidlər xiyabanında qeyri-etik video çəkən əcnəbilər necə müəyyən ediliblər?

Bakıdakı Şəhidlər xiyabanında qeyri-etik hərəkətlər edib video paylaşan əcnəbilər Bakının Səbail rayonu ərazisindəki "Panarama" hoteldə qalırmışlar.

Oxu.az-ın məlumatına görə, onlar ilk olaraq videonu çəkib, fərqinə varmadan turistlərin "Snatch Up" qrupunda paylaşıblar. Videonun yayıldığını görən əcnəbilər görüntünü dərhal həmin qrupdan silib, qrup üzvlərindən üzr istəyiblər.

Video yayılandan dərhal sonra polis əməkdaşları həmin görüntülərlə bağlı araşdırmalara başlayıblar və əcnəbilərin qaldığı hotel müəyyən olunub.

Polis əməkdaşlarının keçirdikləri əməliyyat nəticəsində həmin şəxslər "Panarama" hoteldə saxlanılıblar.