Tailand Kambocanı yenidən atəşkəsi pozmaqda ittiham etdi

Tailandın Xarici İşlər Nazirliyi Kamboca Silahlı Qüvvələrini sərhəddə atəşkəs rejimini növbəti dəfə pozmaqda ittiham edib.

Bu barədə nazirliyin saytında müvafiq bəyanat yerləşdirilib.

"2025-ci il iyulun 29-da axşam saatlarında, Tailand və Kamboca arasında atəşkəs razılaşmasının əldə olunmasından 24 saat keçməmiş, Pxu-Makuadakı (Sisaket əyaləti) Tailand hərbçilərinin mövqeləri Kamboca hərbçiləri tərəfindən atıcı silahlardan və qumbaraatanlardan istifadə etməklə hücuma məruz qalıb. Hücum 30 iyul 2025-ci il səhər saatlarına qədər davam edib", - deyə bəyanatda bildirilib.