Gəncədə bədbəxt hadisə: 68 yaşlı kişi öldü

Gəncədə 68 yaşlı kişini elektrik cərəyanı vuraraq öldürüb.

Oxu.az-ın məlumatına görə, hadisə Gəncə şəhər A.İsgəndərov küçəsində yerləşən evlərin birində qeydə alınıb.

Şəhər sakini, 1958-ci il təvəllüdlü Cavid Əliyev evində elektrik işləri gördüyü zaman ehtiyatsızlıqdan elektrik naqilinə toxunub. Nəticədə elektrik cərəyanı vuran şəxs ölüb.

Faktla bağlı Gəncə Şəhər Prokurorluğunda araşdırma aparılır.