Hepatit C diaqnozu qoyulan qadının son halı: "Müayinə düzgün aparılmayıb" - Video
Baku TV bir müddət əvvəl Hepatit C xəstəsi olduğu üçün sığınacaqdan çıxarılan Güləbətin Zəkiyevanın həyat hekayəsini işıqlandırmışdı.
Süjet yayımlandıqdan sonra terapevt-hepatoloq Zaur Orucov həmin xanımı tam ödənişsiz müalicə etməyə hazır olduğunu bildirmişdi.
"Müasir tibbdə bu xəstəlik müalicə olunur və yoluxucu deyil. Analiz nəticəsində antitellərin aşkarlanması hər zaman xəstəlik əlaməti demək deyil, bu sağlam insanlarda da mümkündür. Pasiyentə düzgün müayinə lazımdır və biz bunu həyata keçirməyə hazırıq", -deyə həkim vurğulamışdı.
Təxminən 10 gün sonra analiz nəticələri əldə olunub və Baku TV əməkdaşları Güləbətin Zəkiyevanın müalicəyə başlaması üçün onun yerləşdiyi dayanacağa üz tutublar. Lakin bu dəfə onu orada tapmaq mümkün olmayıb.
Məsələ ilə bağlı Əmək və Əhalinin Sosial Müdafiəsi Nazirliyinin nəzdində fəaliyyət göstərən Sosial Xidmətlər Agentliyindən bildirilib ki, Güləbətin Zəkiyeva daimi qeydiyyatda olduğu Quba rayonuna göndərilib. Orada yaxın qohumlarının yanında qaldıqdan sonra yenidən Bakıya qayıdıb:
"Əməkdaşlarımız tərəfindən Güləbətin Zəkiyeva müalicə olunması üçün tibb müəssisəsinə yerləşdirilib. Hazırda o, Sahil qəsəbəsində yerləşən 3 saylı Birləşmiş Şəhər Xəstəxanasındadır".
Həmin tibb müəssisəsindən isə bildirilib ki, Güləbətin Zəkiyeva müalicə məqsədilə İmişli Rayon Mərkəzi Xəstəxanasına göndərilib. Xəstəxanadan verilən məlumata görə, ona xroniki pankreatit və II tip şəkərli diabet diaqnozu qoyulub. Hazırda müalicəsi davam edir, vəziyyəti isə qənaətbəxşdir.
Ətraflı süjetdə:
Süjet yayımlandıqdan sonra terapevt-hepatoloq Zaur Orucov həmin xanımı tam ödənişsiz müalicə etməyə hazır olduğunu bildirmişdi.
"Müasir tibbdə bu xəstəlik müalicə olunur və yoluxucu deyil. Analiz nəticəsində antitellərin aşkarlanması hər zaman xəstəlik əlaməti demək deyil, bu sağlam insanlarda da mümkündür. Pasiyentə düzgün müayinə lazımdır və biz bunu həyata keçirməyə hazırıq", -deyə həkim vurğulamışdı.
Təxminən 10 gün sonra analiz nəticələri əldə olunub və Baku TV əməkdaşları Güləbətin Zəkiyevanın müalicəyə başlaması üçün onun yerləşdiyi dayanacağa üz tutublar. Lakin bu dəfə onu orada tapmaq mümkün olmayıb.
Məsələ ilə bağlı Əmək və Əhalinin Sosial Müdafiəsi Nazirliyinin nəzdində fəaliyyət göstərən Sosial Xidmətlər Agentliyindən bildirilib ki, Güləbətin Zəkiyeva daimi qeydiyyatda olduğu Quba rayonuna göndərilib. Orada yaxın qohumlarının yanında qaldıqdan sonra yenidən Bakıya qayıdıb:
"Əməkdaşlarımız tərəfindən Güləbətin Zəkiyeva müalicə olunması üçün tibb müəssisəsinə yerləşdirilib. Hazırda o, Sahil qəsəbəsində yerləşən 3 saylı Birləşmiş Şəhər Xəstəxanasındadır".
Həmin tibb müəssisəsindən isə bildirilib ki, Güləbətin Zəkiyeva müalicə məqsədilə İmişli Rayon Mərkəzi Xəstəxanasına göndərilib. Xəstəxanadan verilən məlumata görə, ona xroniki pankreatit və II tip şəkərli diabet diaqnozu qoyulub. Hazırda müalicəsi davam edir, vəziyyəti isə qənaətbəxşdir.
Ətraflı süjetdə:
