Gürcüstanın Dövlət Təhlükəsizliyi Xidməti transmilli cinayətin üstünü açıb və onun bir neçə istiqamətdə həyata keçirilməsinin qarşısını alıb.

Bu barədə ölkənin Dövlət Təhlükəsizlik Xidmətinin (DTX) Terrorla Mübarizə Mərkəzinin direktoru Baça Mqeladze brifinq zamanı deyib.

Birgə tədbirlər nəticəsində əks-kəşfiyyat və xüsusi əməliyyatlar departamentlərinin əməkdaşları Batumidə bir Gürcüstan vətəndaşını və bir əcnəbini nüvə materialının - uranın qanunsuz satışı və əldə edilməsi ittihamı ilə saxlayıblar.

İstintaqın məlumatına görə, saxlanılan şəxslər uranı üç milyon ABŞ dolları qarşılığında satmaq niyyətində olublar.

"Bu radioaktiv maddənin alfa və qamma şüalanma səviyyəsini, eləcə də onun xüsusiyyətlərini nəzərə alaraq, ondan partlayıcı qurğuların istehsalı, terror aktları və ya ağır və ölümcül nəticələrə səbəb olan digər hərəkətlər üçün komponent kimi istifadə oluna bilər", - deyə Mqeladze bildirib.

Faktla bağlı Gürcüstan Cinayət Məcəlləsinin 230-cu maddəsinin birinci hissəsi üzrə istintaq aparılır və buna görə beş ildən 10 ilədək azadlıqdan məhrumetmə nəzərdə tutulur.скачать dle 11.3