Paşinyan: "Ermənistan və Azərbaycan sülh sazişini paraflaya bilər"

"İrəvan və Bakı sülh sazişini imzalamazdan əvvəl paraflaya (beynəlxalq müqaviləni, sazişi rəsmən imzalanana qədər ilkin imzalamaq - red.) bilər".

Median.Az-ın "İnterfaks"a istinadən verdiyi xəbərə görə, bu barədə Ermənistanın Baş naziri Nikol Paşinyan mətbuat konfransında deyib.

"Bəli, belə bir ideya da var. Belə bir fikir müzakirə masasındadır", - deyə o bildirib.

Onun sözlərinə görə, Ermənistan Azərbaycanla sülh sazişi imzalamaq yolunda heç bir fürsəti əldən vermir.