Türkiyənin iki bölgəsində zəlzələ baş verib

Türkiyənin Samsun və Bodrum bölgəsində, arada kiçik fasilə ilə 3.5 gücündə zəlzələlər baş verib.

Bu barədə Türkiyənin Fövqəladə Halların İdarə olunması Agentliyi (AFAD) məlumat verib.

Samsunda qeydə alınan yeraltı təkanın ocağı 19.43, Bodrumda isə 16.13 kilometr dərinlikdə yerləşib.

Dağıntı və xəsarət alanlar haqında məlumat verilməyib.