Argentinalı "Formula 1" pilotu Franko Kolapinto ABŞ-nin "İnter Mayami" klubunun hücumçusu Lionel Messiyə öz dəbilqəsini hədiyyə edib.
"Alpine" komandasının sürücüsü bu barədə sosial şəbəkə hesabında paylaşım edib.
Pilot vaxtilə "Formula 2"də istifadə etdiyi dəbilqəni Kanada Qran-prisindən sonra həmyerlisinə təqdim edib. O, imzalı dəbilqənin üzərində "Çoxlu sevinc və dərslər üçün təşəkkür edirəm. Ən xoş arzularla" mesajını yazaraq Messiyə heyranlığını bildirib.
Qeyd edək ki, 2024-cü ilin əvvəlində L.Messi Kolapintoya Argentina yığmasının imzalı məşq formasını göndərmişdi. Hədiyyə gənc sürücüyə "Formula 2"də ilk qələbəsini elan etməzdən əvvəl verilib.
Şahidi olduğunuz hadisələri çəkib bizə göndərin!
Son Əlavə