Goranboyda 30 yaşlı kişi kimyəvi maddədən zəhərləndi

Goranboy rayonunda 30 yaşlı kişi zəhərlənmədən dünyasını dəyişib.

Oxu.az-ın məlumatına görə, hadisə rayonun Qaradağlı kəndində baş verib.

Həmin kəndin sakini, 1995-ci il təvəllüdlü Yavər İbrahimov zəhərlənmə diaqnozu ilə xəstəxanaya gətirilib.

Ona xəstəxanada yardım edilsə də, həyatını xilas etmək mümkün olmayıb.

Məlumata görə, Y.İbrahimov evdə kimyəvi maddə tökülmüş şüşə qabdan istifadə edib və ondan zəhərlənib.

Faktla bağlı araşdırma aparılır.