Kreml Ukraynanın Krımı itirməsi barədə Trampın bəyanatına reaksiya verdi

ABŞ Prezidenti Donald Trampın Ukraynanın Krımı çoxdan itirdiyi barədə sözləri Rusiyanın mövqeyi ilə tam uyğundur.

Median.Az-ın TASS-a istinadla verdiyi məlumata görə, bu barədə Rusiya prezidentinin mətbuat katibi Dmitri Peskov jurnalistlərlə brifinq zamanı bildirib.

"Bu, bizim anlayışımızla və uzun müddətdir dediklərimizlə tam düz gəlir", - deyə o bildirib.

Xatırladaq ki, bir gün əvvəl Tramp Ukrayna Prezidenti Volodimir Zelenskinin Kiyevin Krımı Rusiya ərazisi kimi tanımaq niyyətinin olmaması barədə bəyanatını kəskin tənqid edib.

ABŞ lideri hesab edir ki, Zelenskinin sözləri sülh danışıqlarına ciddi şəkildə zərər verir.

Aprelin 22-də "The Washington Post" qəzeti mənbələrə istinadən xəbər verib ki, ABŞ prezidentinin xüsusi elçisi Stiv Uitkoff Krımın Rusiyanın bir hissəsi kimi tanınması təşəbbüsü ilə çıxış edib.

Həmçinin qeyd edilib ki, ABŞ Avropa İttifaqı və Ukrayna nümayəndələrinə nizamlama çərçivəsində Krımı rəsmi olaraq Rusiyanın bir hissəsi kimi tanımağı təklif edə bilər. Bundan əlavə, Vaşinqtonun tərəfdaşlarından cəbhə xətti boyunca münaqişənin dayandırılmasına razılaşmağı tələb edəcəyi gözlənilir.скачать dle 11.3

Şahidi olduğunuz hadisələri çəkib bizə göndərin!