Prezident İlham Əliyev Novruz bayramı münasibətilə Azərbaycan xalqını təbrik edib » Median.Az - Bütün xəbərlər bir ünvanda
16:57 Bakıda film səhnələrini xatırladan qəzanın görüntüləri - Video  |     16:47 Yardımlıda fahişəliyə cəlb edilən azyaşlının ATALIĞI HƏBS OLUNDU  |     16:46 Bakıda "saxla" əmrinə tabe olmayan sürücü iki DYP maşınını əzdi, bir polis xəsarət aldı - TƏFƏRRÜAT  |     16:40 Həbsxanada məhkum yoldaşına ülgüclə xəsarət yetirdi yetirən şəxsin cəzası ÜÇQAT AĞIRLAŞDIRILDI  |     16:39 Qaradağda yeni stadion və idman zalları tikiləcək: Milyonlarla manatlıq layihə  |     16:38 Minsklə İrəvan arasında yeni gərginlik: Paşinyan Müqəddəs Qriqori Kilsəsinin açılışına çağırılmayıb  |     16:36 Nazim Quliyevə HÖKM OXUNDU  |     16:34 Bakı, Sumqayıt və Abşeron üzrə aprel ayının pensiyaları ÖDƏNİLDİ  |     16:30 Azərbaycanda illik inflyasiyanın dərəcəsi açıqlandı  |     16:24 Azərbaycanda bahalaşan və ucuzlaşan məhsulların SİYAHISI  |     16:06 Sumqayıtda sahibsiz itlərin hücumuna məruz qalan uşaqların SON VƏZİYYƏTİ açıqlandı  |     15:56 AMB kiberdələduzluqla bağlı nəzarətin gücləndirilməsi üçün banklara göstəriş verib  |     15:52 Evini əxlaqsızlıq yuvasına çevirən qadınla bağlı qərar çıxarıldı  |     15:51 Azərbaycan və İtaliya hava nəqliyyatı sahəsində əməkdaşlığı genişləndirir  |     15:48 Polisə tabe olmayıb özünə xəsarət yetirən "parkovşik" həbs edildi  |     15:45 Əməkdar həkim komaya düşdü  |     15:43 Salyanda marketdə saxta spirtli içkilər aşkarlanıb  |     15:41 Azərbaycanın iki rayonunda olimpiya idman kompleksi tikiləcək - 15 milyon manatlıq LAYİHƏ  |     14:32 Natəvan Bayramova vəzifədən azad edildi  |     14:29 Sabah Bakının bir qəsəbəsində su olmayacaq  |    

Prezident İlham Əliyev Novruz bayramı münasibətilə Azərbaycan xalqını təbrik edib

Azərbaycan Prezidenti İlham Əliyev Azərbaycan xalqını Novruz bayramı münasibətilə təbrik edib.

Median.Az
President.az-a istinadən bildirir ki, təbrikdə deyilir:

"Hörmətli həmvətənlər!

Sizi Novruz bayramı münasibətilə ürəkdən təbrik edir, hər birinizə bahar əhvali‑ruhiyyəsi, cansağlığı və uğurlar arzulayıram.

Ulu əcdadlarımızın müqəddəs yadigarı olan Novruz bayramı müdrik Azərbaycan xalqının zəngin həyat fəlsəfəsini və nikbin dünyagörüşünü günümüzədək yaşadaraq milli-mənəvi varisliyin bariz nümunəsinə çevrilib. Bu böyük el bayramı təbiətə məhəbbətin, ruhi paklıq və gözəlliyin, mərhəmət və xeyirxahlığın yüksək təntənəsidir. Ali ümumbəşəri dəyərlərin daşıyıcısı olduğu üçün o, dünya mədəni irsinin qiymətli nümunələri sırasında layiqli yer tutur.

Novruz bayramı milli təfəkkürümüzün ayrılmaz parçası kimi ənənəvi dəyərlərimizin formalaşmasında müstəsna rol oynayıb. Ölkəmizi sivilizasiyaların qovuşuğundakı qədim mərkəzlərdən biri olaraq tanıtmış misilsiz mənəviyyat xəzinəmizdə Novruz mərasimləri xüsusi mövqeyə malikdir. Baharın gəlişinin əsrlərin yaddaşında iz qoymuş adətlərə uyğun şəkildə bu gün də rəngarəng el şənlikləri ilə Vətənimizin hər bir guşəsində geniş qeyd edilməsi tarixi-mədəni irsə bağlılığımızın parlaq ifadəsidir.

Cəmiyyətdə ünsiyyəti, qarşılıqlı səmimi münasibətləri dərinləşdirən və bizi azərbaycançılıq məfkurəsi işığında sıx birləşdirən Novruz bayramı milli həmrəyliyimizi getdikcə daha da möhkəmləndirir. Əminəm ki, bu həmrəylik duyğusu yaz fəslinin yeniləşdirici ab-havası və beşinci ildönümünə hazırlaşdığımız şanlı Zəfərin verdiyi mənəvi güclə vəhdətdə ümumxalq əhəmiyyətli bütün işlərimizin lazımi səviyyədə icrasını təmin edəcəkdir. Bayram sevincini işğaldan azad olunmuş əzəli torpaqlarımızda yaşayan soydaşlarımız əbədi qayıtdıqları öz dədə-baba yurdlarında aydın səma altında əmin-amanlıq içində daim şövqlə qurub yaradacaqlar.

Üzümüzə gələn Novruz bayramının hər evə, hər ocağa firavanlıq, səadət və bol ruzi-bərəkət gətirməsini diləyirəm.

Bayramınız mübarək olsun!"скачать dle 11.3




Şahidi olduğunuz hadisələri çəkib bizə göndərin!




            384 18.03.25 17:42