Almaniyanın keçmiş kansleri Angela Merkel (2005-2021-ci illərdə vəzifədə olub) ingilis dilində etdiyi səhvlərə görə həmişə ictimaiyyət qarşısında alman dilində danışdığını etiraf edib.
O, bu barədə "Berliner Zeitung" qəzetinə müsahibəsində bildirib.
Belə ki, müxbir kanslerdən həmişə tərcüməçisinin olub-olmadığını soruşub.
"Mən hələ Almaniya kansleri olmayan vaxtlarda ingiliscə danışırdım, çünki amerikalılar bunu xoşlayır və bu, daha sürətlidir. Sonra isə ABŞ və İngiltərədə təhsil almış ağıllı jurnalistlər mənə səhvlər etdiyimi göstərirdilər. O vaxtdan bəri mən həmişə ictimaiyyət qarşısında almanca danışıram", - deyə Merkel cavabında bildirib.
"İngilis dilində nə qədər yaxşı danışsanız da, daha incə detalları anlamaq üçün tərcüməçiyə sahib olmaq və ana dilinizdə danışmaq faydalı olacaq", - deyə o vurğulayıb.
Qeyd edək ki, Merkel (qızlıq soyadı Kasner) 17 iyul 1954-cü ildə Hamburqda lüteran keşiş və müəllimə ailəsində anadan olub. 2000-ci ildə o, "Xristian-Demokratik İttifaq" partiyasının ilk qadın sədri olub. 22 noyabr 2005-ci ildə Bundestaq Merkeli Almaniyanın federal kansleri seçib. 8 dekabr 2021-ci ildə o, rəsmi olaraq səlahiyyətlərini təhvil verib.
Merkel dəfələrlə "Forbes" jurnalının versiyasına görə, dünyanın ən nüfuzlu 100 qadın siyahısına başçılıq edib.
//oxu.az
Şahidi olduğunuz hadisələri çəkib bizə göndərin!
Son Əlavə