Prezident İlham Əliyev Artur Rasi-zadəyə "Heydər Əliyev" ordenini təqdim edib - FOTO » Median.Az - Bütün xəbərlər bir ünvanda
23:12 Tramp Braziliyaya qarşı 40%-lik tariflər tətbiq edib  |     22:55 Hikmət Hacıyev: Minalar həm insanlar, həm də heyvanlar üçün davamlı təhlükədir  |     22:48 Bakıda avtomobil skuter sürən azyaşlı qızı vurub öldürüb  |     22:41 Çin ABŞ-nin xəbərdarlığına məhəl qoymadı  |     22:34 Qazaxıstan təngəsi sürətlə ucuzlaşır: Mərkəzi Bank müdaxilə edir  |     22:29 42 milyon yeyintidə təqsirləndirilən "Şlyapa Zahid"ə hökm oxundu  |     22:21 Turizm Agentliyində 18,5 milyonluq pozuntu  |     22:14 Azərbaycan Meyxanaçılar Birliyi yarana bilər  |     22:09 Məktəb direktoruna yüksək vəzifə verildi  |     22:00 Yer oxu mailliyini dəyişir və günahkar insanlardır: Alimlərdən narahatedici açıqlama  |     21:54 "LANDAU School Məktəbi" 2500 manat cərimələndi  |     21:46 Bakıda 187 dəfə dövlət orqanlarına şikayət edən şəxs cərimələndi  |     21:37 İyulun son gününün havası açıqlandı  |     21:29 Azərbaycanlıların xəstə cehiz yarışı... - Sosioloq çıxış yolları təklif edir  |     21:22 Vüqar Qurbanovdan yeni təyinatlar  |     21:17 Ələt-Astara istiqamətində ödənişli yol bu tarixdə TAMAMLANACAQ  |     20:57 Hindistan Pakistanı təhdid etdi  |     20:46 Qazaxda 25 hektar ərazidə yanğın baş verib  |     20:18 Gürcüstanda saxlanılan Azərbaycan vətəndaşı ölkəyə ekstradisiya edilib  |     20:03 Sabah Bakıda Suriya və İsrail rəsmiləri arasında görüş keçiriləcək  |    

Prezident İlham Əliyev Artur Rasi-zadəyə "Heydər Əliyev" ordenini təqdim edib - FOTO

Azərbaycan Respublikasının Prezidenti İlham Əliyev fevralın 20-də Artur Rasi-zadəni qəbul edib və ona "Heydər Əliyev" ordenini təqdim edib.

Median.Az
AZƏRTAC-a istinadən xəbər verir ki, görüşdə çıxış edən dövlətimizin başçısı deyib:

- Hörmətli Artur müəllim, sizi qarşıdan gələn yubileyiniz münasibətilə təbrik edirəm, sizə cansağlığı, uzun ömür arzulayıram. Siz uzun illər ərzində Azərbaycanın inkişafına töhfə vermisiniz. Müxtəlif məsul vəzifələrdə çalışaraq Azərbaycan iqtisadiyyatının inkişafı üçün böyük səylər göstərmisiniz, həm sovet dövründə, həm də müstəqillik dövründə. Ulu öndər Heydər Əliyev sovet dövründə sizin peşəkarlığınızı, biliklərinizi nəzərə alaraq, - hələ o vaxt siz gənc yaşlarınızda idiniz, - sizi qabağa çəkərək, önəmli vəzifələrə təyin etmişdi, Nazirlər Sovetinin sədrinin müavini vəzifəsinə. Ulu öndər Heydər Əliyev müstəqillik dövründə Azərbaycan Prezidenti seçiləndən sonra ilk təyinatlarından biri də sizi özünə köməkçi təyin etməyi idi. Ondan sonra sizi daha böyük vəzifəyə layiq gördü və Azərbaycan Respublikasının baş naziri vəzifəsinə təyin etdi.

Təbii olaraq, ulu öndər Heydər Əliyev insanları tanıyırdı, onların peşəkarlığını, biliklərini və bilirəm ki, sizi də bir insan kimi həmişə yüksək qiymətləndirirdi. Həm dediyim keyfiyyətlərə, eyni zamanda, prinsipial mövqeyinizə görə. Sizin prinsipial mövqeyiniz bütün məsələlərdə özünü göstərirdi - həm ölkəmizin iqtisadi inkişafı ilə, həm də bütün başqa məsələlərlə bağlı.

Biz sizinlə 15 il işləmişik - 2003-cü ildən 2018-ci ilə qədər. Hesab edirəm ki, o illər Azərbaycan iqtisadiyyatı üçün ən sürətli inkişaf illəri olub. Azərbaycan iqtisadiyyatı o illərdə, bəlkə də, iki dəfə çox artıb və ölkə qarşısında duran əsas infrastruktur layihələrinin həlli, ya da başlanması məhz o illərə təsadüf edir. Sizin rəhbərliyinizlə Nazirlər Kabineti Prezidentin tapşırıqlarını ləyaqətlə yerinə yetirirdi və bu gün Azərbaycanın dayanıqlı iqtisadi inkişafı təbii olaraq bizim müstəqilliyimizin əsasını təşkil edir. Birlikdə işlədiyimiz 15 il ərzində daim təmasda idik, məsələləri müzakirə edirdik, həll edirdik. 2018-ci ildən sonra da təmasdayıq. Şadam ki, siz yubileyinizi çox yaxşı fiziki formada qarşılayırsınız və sizi həmişə görmək mənim üçün xoşdur. İllər boyunca bir çox telefon söhbətimiz olub, bir çox məsələləri müzakirə etmişik. Sizi bu gün gözəl yubiley ərəfəsində dəvət etdim ki, sizə Azərbaycan dövlətinin ən ali mükafatı olan "Heydər Əliyev" ordenini təqdim edim. Bu gün imzaladığım Sərəncamla siz ölkəmizin ən ali mükafatına layiq görülmüsünüz. Siz buna layiqsiniz, siz Heydər Əliyevin etibarlı silahdaşı olmusunuz. Yenə də deyirəm, həm sovet dövründə, həm müstəqillik dövründə, özü də müstəqilliyimizin ən ağır dövrlərində atamın yanında olmusunuz. O, bunu qiymətləndirirdi, mən də həmişə qiymətləndirirdim və qiymətləndirirəm. Bu, tam ədalətli bir qərardır və icazə verin, mən bu yüksək ordeni sizə təqdim edim.

Prezident İlham Əliyev "Heydər Əliyev" ordenini Artur Rasi-zadəyə təqdim edib.

Əməyinə verdiyi qiymətə görə dövlətimizin başçısına minnətdarlığını bildirən Artur Rasi-zadə ulu öndər Heydər Əliyevin adını daşıyan ordenə layiq görülməyin onun üçün ən böyük şərəf olduğunu deyib, ümummilli liderlə və Prezident İlham Əliyevlə uzun illər ərzində çalışmaqdan fəxr hissi keçirdiyini vurğulayıb. Artur Rasi-zadə Azərbaycan Prezidentinin tarixi hadisənin müəllifi olduğunu, torpaqlarımızın 30 illik işğalına son qoyduğunu və orada yeni həyatın başladığını qeyd edib.



скачать dle 11.3




Şahidi olduğunuz hadisələri çəkib bizə göndərin!




            408 20.02.25 17:57