"Moldova Dəmir Yolları" müəssisəsinin əməkdaşları əmək haqlarının ödənilməməsi probleminə diqqət çəkmək üçün fevralın 14-dən etiraz aksiyalarına başlayacaqlar.

Bu barədə Dəmiryolçuların Həmkarlar İttifaqının sədri İon Zaporojan “Canal 5”in efirində bildirib.

"Biz etiraz aksiyalarına hazırlaşırıq. Biz hökumət binası, daha sonra parlament və prezident administrasiyası qarşısında etiraz edəcəyik. Onların hamısı məlumatlandırılıb", - o bildirib.

Son illərdə yükdaşımaların həcminin azalması ilə əlaqədar müəssisə böhranlı vəziyyətə düşüb. 2024-cü ilin fevralında müəssisənin işçiləri bir neçə aydır əmək haqqı almadıqlarından şikayət edərək tətil keçiriblər. Avqustda dəmiryolçular həmkarlar ittifaqı vasitəsilə Baş nazir Dorin Reçanuya müraciət edərək o dövr üçün 7,75 milyon dollara çatan əmək haqqı borclarının ödənilməsi ilə bağlı problemin həll edilməsini xahiş ediblər. Hökumət əmək haqqı borclarını hələ də tam ödəməyib.скачать dle 11.3