Almaniyalı mühəndis Rüdiger Koh sualtı polad kapsulda 120 gün yaşayaraq dünya rekordu qırıb.

Bu barədə “The Guardian” məlumat yayıb.

Qeyd edək ki, o, Panamanın sahillərində 11 metr dərinlikdə yerləşdirilmiş sualtı kapsulda yaşayırdı. Yanvarın 24-də o, səthə çıxıb və Ginnesin Rekordlar Kitabının sertifikatını alıb.

"Bu, yuxudan oyanmaq kimidir", - 59 yaşlı almaniyalı bildirib.

O qeyd edib ki, suyun altında yaşamaq çətin olub - temperatur daim 28 dərəcə səviyyəsində olub. Almaniyalı mühəndisin sözlərinə görə, çətinlikləri dəf etməyə iş layihələri, yaxşı şərab və viski kömək edib.

R.Koh dünya okeanının vəziyyətinə ictimaiyyətin diqqətini cəlb etmək üçün bu rekorda getməyə qərar verib.

"Biz dənizi nəqliyyat yolu, döyüş meydanı, zibil qabı kimi istifadə edirik. Əgər onu evimiz kimi qəbul etsək, onda onun indiki vəziyyəti bizim üçün qəbuledilməz olacaq", - o vurğulayıb.

Almaniyalı mühəndis bildirib ki, qısa istirahətdən sonra rekordunu yeniləmək üçün yenidən kapsula qayıtmağı planlaşdırır.

Qeyd edək ki, əvvəlki rekord 2024-cü ildə amerikalı dalğıc Cozef Dituri tərəfindən müəyyən edilmiş 100 gün idi.
//reportскачать dle 11.3