Qəzzada ölənlərin sayı 44 min 466-ya çatıb

İsrail ordusunun Qəzza zolağında həyata keçirdiyi hücumlarda son 24 saatda daha 37 nəfər həyatını itirib.

Median.Az xarici mətbuata istinadən xəbər veirr ki, Qəzzada Fələstin Səhiyyə Nazirliyindən verilən açıqlamada İsrailin Qəzza zolağına 423 gündür hücumları ilə bağlı məlumat verilib.

İsrail ordusunun Qəzza zolağının müxtəlif bölgələrində son 24 saatda həyata keçirdiyi hücumlarda 37 nəfərin həyatını itirdiyi, 108 nəfərin isə yaralandığı bildirilib.

Qeyd olunub ki, İsrailin Qəzza zolağına 2023-cü il oktyabrın 7-dən bu yana həyata keçirdiyi hücumlarda ölənlərin sayı 44 min 466-ya, yaralıların sayı isə 105 min 358-ə yüksəlib.
//azxeber.com