İspaniyada qocalar evində dəhşətli yanğın - 10 nəfər öldü

İspaniyanın Saraqosa şəhərində qocalar evində baş verən yanğında 10 nəfər ölüb.

Azxeber.com Qərb mediasına istinadən xəbər verir ki, yanğın Villafranka de Ebro rayonundakı "Jardines de Villafranca" adlı qocalar evində səhərə yaxın baş verib.

İlkin məlumata görə, yanğın zamanı qocalar evində 82 nəfərin olub, 10 nəfər dünyasını dəyişib, 1 nəfər isə ağır yaralanıb.

Hadisənin baş verdiyi əraziyə dərhal təcili yardım, yanğınsöndürmə briqadası, Mülki Yardım qrupları və psixoloqlar göndərilib, ətrafdakı xəstəxanalara xəbərdarlıq edilib.