Bayram günü işə çıxanlara nə qədər maaş verilməlidir? » Median.Az - Bütün xəbərlər bir ünvanda
23:04 Nazirlik banklara 400 milyon depozit qoydu  |     22:57 Bu il daşınmaz əmlak bazarında ən çox bahalaşma hansı layihədə baş verib?  |     22:51 Ürək səssizcə xəbərdarlıq edə bilər - Təhlükə siqnalı göstərən 9 mühüm əlamət  |     22:44 Bu ərazidə köhnə tikililər söküləcək, müasir yaşayış kompleksləri tikiləcək  |     22:38 Yeni Dehlidə Hümayun türbəsi uçub, ölənlər var  |     22:31 Əhali restoranlara 757,7 milyon manat xərcləyib  |     22:25 Təbiətə 71 min manatdan çox ziyan VURULDU  |     22:19 Bakı-Qazax yolunda təmir nə yerdədir? - VİDEO  |     22:13 Azərbaycanda nə qədər işsiz insan var?  |     22:06 Putin-Tramp sammitində təhlükəsizlik əməliyyatının detalları AÇIQLANDI  |     22:00 Rusiya Azərbaycanla görüşə hazırlaşır  |     21:53 Danışıqlar 6-7 saat davam edə bilər - Peskov  |     21:47 Unun topdansatış qiymətləri açıqlandı  |     21:38 Şərurlu İsfəndiyarın maşınlarına həbs qoyuldu  |     21:26 Şəhid mayorun anası vəfat etdi  |     21:18 Özəlləşdirmə çeklərinə görə kompensasiya veriləcək? - RƏSMİ CAVAB  |     21:02 Metroda doğulan körpənin anası - Onu sadəcə ailəsi gözləyirdi, indi bütün Azərbaycan tanıyır – VİDEO  |     20:57 Pakistanda helikopter qəzaya uğrayıb, ölənlər var  |     20:52 Bakı Dəmiryol Vağzalında parklanma xidməti avqustun 18-dən dayandırılacaq  |     20:43 Sabah növbəti tədris ili üzrə lisey və gimnaziyalara qəbul imtahanı keçiriləcək  |    

Bayram günü işə çıxanlara nə qədər maaş verilməlidir?

Azərbaycanda iş günü hesab olunmayan bayram günlərində işçilərin işə cəlb edilməsi qadağan olunsa da, burada istisnalar var. Onlara fasiləsiz istehsalatlar, ticarət, ictimai iaşə, rabitə, nəqliyyat və digər xidmət müəssisələrində çalışanlar aiddir.

Median.Az
qafqazinfo-ya istinadən xəbər verir ki, qanunvericiliyə əsasən, həmin günlərdə işləməyə görə onlara əlavə əməkhaqqı verilməlidir.

Bəs əlavə ödənişin məbləği nə qədər olmalıdır?

Azərbaycanda 15 bayram olsa da, onun 12-sinə təsadüf edən günlər qeyri-iş günü hesab olunur. İş günü hesab olunmayan bayram günləri aşağıdakılardır:

Yeni il bayramı (Yanvarın 1 və 2-si);

Beynəlxalq Qadınlar Günü (Martın 8-i);

Faşizm üzərində Qələbə günü (Mayın 9-u);

Müstəqillik Günü (Mayın 28-i);

Azərbaycan Xalqının Milli Qurtuluş Günü (İyunun 15-i);

Azərbaycan Respublikasının Silahlı Qüvvələri Günü (İyunun 26-sı);

Zəfər Günü (noyabrın 8-i);

Azərbaycan Respublikasının Dövlət Bayrağı Günü (Noyabrın 9-u);

Dünya Azərbaycanlılarının Həmrəyliyi Günü (dekabrın 31-i);

Novruz bayramı - 5 gün;

Qurban bayramı - 2 gün;

Ramazan bayramı - 2 gün.

Əmək Məcəlləsinə görə, bayram günləri görülən işə görə əməkhaqqı vaxtamuzd (faktiki iş saatlarına görə) ödənilmə sistemində gündəlik tarif maaşının iki mislindən aşağı olmamalıdır. Bayram günləri işləmiş işçinin arzusu ilə ona əməkhaqqı əvəzinə başqa istirahət günü verilə bilər.

2024-cü ilin istehsalat təqviminə görə, noyabr ayında 5 günlük iş həftəsi üzrə 151 iş saatı var. Bu da o deməkdir ki, vəzifə maaşı 1000 olan işçinin həmin ay üzrə 1 saatlıq əməkhaqqı məbləği 6 manat 60 qəpikdir, 1 günlük maaşı isə 52 manat 80 qəpikdir. Bayram günlərində işləməyə görə isə bu məbləğlər 2-yə vurulmaqla hesablanıb əmək haqqına əlavə edilir.

Həmçinin aylıq maaş alan işçilərə bayram gününə görə əlavə ödəniş, iş aylıq iş vaxtı norması çərçivəsində görülübsə, maaşdan əlavə gündəlik vəzifə maaşı məbləğindən aşağı olmamaqla verilməlidir. Əgər iş aylıq iş vaxtı normasından artıq vaxtda görülübsə, işçiyə maaşdan əlavə gündəlik vəzifə maaşının 2 qat məbləğindən aşağı olmamaqla əlavə əməkhaqqı ödənilir.

Müəyyən kateqoriyadan olan işçilərin bayram günlərində işə cəlb olunması müəyyən şərtlər əsasında mümkündür. Hamilə, 14 yaşınadək uşağı olan, həmçinin 18 yaşınadək əlilliyi müəyyən edilmiş uşağı olan qadınların bayram günlərində işə cəlb edilməsinə yalnız onların yazılı razılığı ilə yol verilir. Hamilə və 3 yaşınadək uşağı olan qadınların bayram günləri işə çıxmasına, habelə uşağın həyat və ya sağlamlığına təhlükə yaranmaması barədə həkim rəyi olduqda razılıq verilir.

Yaşı 18-dən az olan işçilərin bayram günlərində işə cəlb edilməsi isə ümumiyyətlə qadağandır.скачать dle 11.3




Şahidi olduğunuz hadisələri çəkib bizə göndərin!




            477 09.11.24 17:36