Yevlax Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində VAZ markalı nəqliyyat vasitəsi ilə yol hərəkəti qaydalarını pozduğuna görə sürücü Fərid Mustafayevə "saxla" işarəsi verilib.

Daxili İşlər Nazirliyinin Mətbuat Xidmətinin Bərdə regional qrupundan Oxu.Az-a verilən məlumata görə, araşdırma zamanı onun narkotik vasitə olan marixuananın təsiri altında və sürücülük hüququ olmadan avtomobili idarə etdiyi aşkarlanıb.

F.Mustafayev barəsində protokol tərtib edilərək baxılması üçün rayon məhkəməsinə göndərilib.

O, məhkəmənin qərarına əsasən 15 sutka inzibati qaydada həbs edilib.скачать dle 11.3