Oğuzda avtomobil baba və azyaşlı nəvəsini vurub.
APA-nın məlumatına görə, hadisə axşam saatlarında Oğuz şəhəri, H. Əliyev prospektində baş verib.
Rayonun Calut kənd sakini İsrail Xələfzadə idarə etdiyi VAZ-21015 markalı avtomobillə rayonun Muxas kənd sakini, 1959-cu il təvəllüdlü Etibar Yoməddin oğlu Fərhadov və onun azyaşlı nəvəsi, 2021-ci il təvəllüdlü Həsən Elsevər oğlu Fərhadovu vurub.
Qəza zamanı müxtəlif dərəcəli bədən xəsarətləri alan baba və nəvə Oğuz Rayon Mərkəzi Xəstəxanasına (RMX) yerləşdiriliblər.
Oğuz RMX-da E. Fərhadova ilkin yardım göstərildikdən sonra müayinə və müalicə olunmaq üçün Qəbələ RMX-a göndərilib.
Azyaşlının xəsarəti yüngül olduğundan ambulator müalicə almaq şərti ilə evə buraxılıb.
Faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə