Paris-2024: Onlar Azərbaycan İdman Akademiyasının tələbə və məzunlarıdır

Parisdə açılış mərasimi keçirilən XXXIII Yay Olimpiya Oyunlarında ölkəmiz 15 idman növündə 48 idmançı ilə təmsil olunur.

Median.Az İdman.biz-ə istinadən xəbər verir ki, onlardan 24-ü Azərbaycan İdman Akademiyasının tələbə və məzunlarıdır.

Olimpiadada İdman Akademiyasının 10 tələbəsi (Nicat Hüseynov (boks), Zöhrə Ağamirova (bədii gimnastika), Selcan Mahsudova (batut gimnastikası), Ləman Əlimuradova, Yelizaveta Luzan, Güllü, Darya Sorokina (hamısı bədii gimnastika, qrup hərəkətləri komandası), Ramil Vəlizadə (üzgüçülük), Balabəy Ağayev (cüdo), Yaşar Nəcəfov (cüdo) və 14 məzunu (Ruslan Lunyov (10 m, pnevmatik tapança), Malik Həsənov, Murad Allahverdiyev, Məhəmməd Abdullayev (hər üçü), Əliabbas Rzazadə, Hacı Əliyev, Turan Bayramov (hər üçü sərbəst güləş), Murad Məmmədov, Həsrət Cəfərov, Sənan Süleymanov, Rafiq Hüseynov (hamısı yunan-Roma güləşi), Hidayət Heydərov, Leyla Əliyeva və Gültac Məmmədəliyeva (hər üçü cüdo) iştirak edir.

Olimpiya təmsilçilərimizə uğurlar arzulayan Azərbaycan İdman Akademiyasının rektoru Fuad Hacıyev tələbələrimizin Olimpiya oyunlarındaki iştirakı ilə bağlı bildirib ki, Azərbaycan İdman Akademiyası olaraq onların həm idman, həm də təhsil sahəsində əldə etdiyi nailiyyətlərdən qürur duyur. Məqsəd gənclərimizin yüksək səviyyəli idmançılar və savadlı vətəndaşlar kimi yetişməsinə töhfə verməkdir.

O, bu yolda hər bir tələbə və məzuna uğurlar və qələbə sevinci yaşamağı arzu edib.