IV ixtisas qrupu üzrə ən çox bal toplayan abituriyent məlum oldu

Dövlət İmtahan Mərkəzi (DİM) I və IV ixtisas qrupları (o cümlədən III qrup üzrə DT və TC altqruplarının hər ikisini seçənlər üçün coğrafiya fənni) üzrə 14 iyul 2024-cü il tarixində keçirilmiş qəbul imtahanının nəticəsini elan edib.

IV ixtisas qrupu üzrə ən yüksək nəticə göstərən şagird 697 bal toplayan Nuray Emin qızı Hüseynovadır.

O, imtahanın birinci mərhələsində 300 bal toplayıb.

Qeyd edək ki, N.Hüseynova Gəncə şəhər 39 saylı orta məktəbi qızıl nişanla bitirib.