İlham Əliyev Rəcəb Tayyib Ərdoğana başsağlığı məktubu göndərdi » Median.Az - Bütün xəbərlər bir ünvanda
22:58 Sumqayıtda liposaksiya əməliyyatı etdirən 34 yaşlı qadın ölüb  |     22:48 2025-ci ilin valyuta qalibləri: dollar ilk beşlikdə yoxdur  |     22:41 Salyanda milyon yarımlıq abadlıq işləri görüləcək  |     22:36 Məhkəmədə hakimə itini tərifləyən şəxsin şikayəti təmin olunmadı  |     22:30 ABŞ-da yumurta böhranı: Azərbaycan məhsul ixracına başlayır  |     22:22 Restoranda siqaret çəkdi - Həbs edildi  |     22:17 Hava xəbərdarlığı: Yağış, qar yağacaq, temperatur 15 dərəcə enəcək  |     22:08 Türkanda zibil problemi: Tullantılar yaşayış evlərinin yaxınlığında boşaldılır - VİDEO  |     22:02 Qızılın qiyməti rekord vurur: Bahalaşmaya səbəb nədir?  |     21:55 Azərbaycanda 500 nəfər böyrək gözləyir  |     21:49 "Apple" qulaqlıqlarında real vaxt rejimində tərcümə funksiyası olacaq  |     21:44 Ukraynanın taleyini həll edən rəsmilər bəlli olub  |     21:36 Belqradda etirazçı prezidentin iqamətgahını partlatmaqla hədələyib  |     21:31 Azərbaycan paralimpiyaçısı Avstriyada keçirilən beynəlxalq turnirdə finala yüksəlib  |     21:24 Bakıda ötən il 112 kilometr uzunluğunda Xüsusi Hərəkət Zolağı çəkilib  |     21:19 Azərbaycanda bir neçə dərman istehsalı müəssisəsi quraşdırılır  |     21:13 Nazir: Plastik cərrahların fəaliyyətinin yoxlanılması gələn ay başa çatır  |     21:05 Suriyada toqquşmalar zamanı ölənlərin sayı 1500-ə çatıb  |     21:00 "Mançester Siti" "Real"ın futbolçusunu transfer edə bilər  |     20:54 Ukrayna qoşunları Sucanı tərk edib  |    

İlham Əliyev Rəcəb Tayyib Ərdoğana başsağlığı məktubu göndərdi

Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana başsağlığı məktubu ünvanlayıb.

President.az xəbər verir ki, məktubda deyilir:

"15 İyul hadisələrinin səkkizinci ildönümündə dövlət çevrilişi cəhdinin qarşısının alınması yolunda canlarını qurban vermiş bütün şəhidlərimizin əziz xatirəsini dərin hörmət və ehtiramla yad edir, ailələrinə və bütün Türkiyə xalqına dərin hüznlə başsağlığı verirəm.

Qardaş Türkiyənin qan yaddaşına əbədi olaraq həkk olunmuş bu gecədə baş vermiş mənfur çevriliş cəhdi ölkənizin milli maraqlarına, demokratik əsaslarına və hüququn aliliyinə qəsd idi. Müdrik və mərd Türkiyə xalqı Vətən, dövlətçilik və demokratiya uğrunda qətiyyətlə mübarizə apararaq və sinəsini sipər edərək növbəti dəfə qəhrəmanlıq dastanı yazdı. Bu hadisələr ilə əlaqədar təsis edilmiş 15 İyul - "Demokratiya və Milli Birlik Günü" mətin xalqınızın həmrəylik, mübarizlik və milli birlik rəmzi olaraq daim yaşayacaq və əsrlər ötdükcə daha böyük qürurla xatırlanacaqdır.

Türkiyə dövlətçiliyinə qarşı yönəlmiş bu çevriliş cəhdinin dəf olunmasında və bununla da ölkənizi böyük faciələrdən xilas edilməsində şəxsən Sizin gördüyünüz təxirəsalınmaz qəti addımların və liderliyinizin xüsusi rolu olmuşdur. Xalqınız Sizin ətrafınızda sıx birləşərək dövlətinə, azadlığına və demokratiyasına sahib çıxmaqla dünyaya milli qürurunu, gücünü və sarsılmaz iradəsini bir daha sübut etdi.

Azərbaycan xalqı və dövləti ilk dəqiqələrdən bu xəyanəti şiddətlə qınamış və həmişə olduğu kimi qardaş Türkiyə dövlətinin və xalqının yanında yer almışdı. Bu bizim sevincimizi və kədərimizi birgə paylaşdığımız Türkiyəyə qardaşlıq və vəfa borcumuz idi.

Hörmətli cənab Prezident, bu yaxınlarda Sizinlə Astanada görüşümüzü, apardığımız ətraflı fikir mübadiləsini ən xoş təəssüratlarla xatırlayıram. Əminəm ki, dostluğa, qarşılıqlı etimad və dəstəyə əsaslanan Azərbaycan-Türkiyə əlaqələrini, çoxşaxəli əməkdaşlığını və strateji müttəfiqliyini genişləndirmək, dünyada bənzəri olmayan dövlətlərarası münasibətlərimizi daha da yüksək səviyyəyə qaldırmaq naminə birgə səylərimizi bundan sonra da uğurla davam etdirəcəyik.

Sizə möhkəm cansağlığı, işlərinizdə uğurlar, qardaş Türkiyə xalqına daim əmin-amanlıq və firavanlıq arzulayıram".скачать dle 11.3




Şahidi olduğunuz hadisələri çəkib bizə göndərin!




            378 15.07.24 11:22