“Azərbaycan polisi kifayət qədər peşəkar fəaliyyətə malikdir”
"Azərbaycan yerləşdiyi regionda və ətrafdakı dövlətlərlə müqayisə edildikdə kriminogen baxımdan ən sabit ölkədir”.
Median.Az xəbər verir ki, bunu APA-ya açıqlamasında Mətbuat Şurası İdarə Heyətinin üzvü, media eksperti Müşfiq Ələsgərli bildirib.
Müşfiq Ələsgərli deyib ki, bu sabitlik və təhlükəsizlik, bir tərəfdən, ölkənin siyasi rəhbərliyinin iradəsinə bağlıdırsa, digər tərəfdən, bu siyasəti icra edən təhlükəsizlik qurumlarının, o cümlədən polisin fəaliyyəti və peşəkarlığı ilə bağlıdır:
"Təkcə bu faktora əsaslanaraq demək olar ki, Azərbaycan polisi kifayət qədər peşəkar fəaliyyətə malikdir və ölkənin sabit saxlanılmasında, təhlükəsizliyin təmin olunmasında yüksək şəkildə fəaliyyət göstərə bilir. Belə bir peşəkarlığı şübhəyə almaq, hansısa fərqli istiqamətlərlə neqativləri qabartmaq cəhdləri, əlbəttə, iflasa uğramış olur”.
O qeyd edib ki, Azərbaycan polisi həm də vətənpərvərdir:
"Biz onları nəinki gündəlik asayişin qorunmasında, həm də Azərbaycanın ərazi bütövlüyünün qorunmasına fədakar şəkildə xidmət göstərdiyinin şahidi olmuşuq. Azərbaycan polisinin vətənpərvərliyini şübhəyə almaq proseslərə qəsdən qərəzli şəkildə neqativ don geyindirməyin bir əlamətidir. Çox təəssüf ki, polisin ləkələnməsi cəhdlərində bəzən xəbər istehsalçılarının da rolunu görürük. Xüsusilə Şüvəlanda baş verən hadisədən sonra bu kimi halların şahidi olduq. Bəzi xəbər istehsalçıları qondarma və sensasion informasiyalar yaymaqla, guya ki məxfi və bilinməyən, amma əslində kökü olmayan xəbərlərlə auditoriya qazanmaq istəyirlər. Hansı ki bu cür hallar həmişə olub və indi də olmaqdadır. Çox təəssüf ki, indiki prosesin içində təkcə sensasiya üçün deyil düşünülmüş formada Azərbaycandakı sabitliyin və Azərbaycan polisinin kölgəyə alınması istiqamətində kampaniya aparılır. Bütün bunlar, əlbəttə, yolverilməzdir. Regionda sabitliyi pozmaq istəyən bəzi qüvvələrin bu cür kampaniyalara rəvac verdiyini görürük. Təklif edirik ki, bu cür situasiyalarda Azərbaycandakı xəbər istehsalçıları mümkün qədər ehtiyatlı və vətənpərvərlik rolundan çıxış etsinlər. Rəsmi əsası olmayan, təsdiqlənməmiş faktların yayılmasından çəkinsinlər. Bu bir tərəfdən Azərbaycan xəbər istehsalçılarının vətənpərvərlik roludursa, digər tərəfdən isə onlar üçün vacib olan etik davranış kodeksinin tələbidir. Hansı ki Azərbaycan jurnalistlərinin etik davranış kodeksinin 3-cü maddəsinin 3-cü prinsipində bu məsələlərə kifayət qədər toxunulur. Orada jurnalistin əsas olmadan terror, kriminal və bu kimi hallarda sensasiya xatirinə material yaymaqdan çəkinməli olduğu və zorakılıq yaradan təbliğata yer ayırmamalı olduğu qeyd olunur. Yekun olaraq bir daha bildirim ki, bizim xəbər istehsalçıları peşəkar davranmalı, media haqqında qanunun tələblərinə, etik davranış kodeksinin prinsiplərinə əməl etməlidirlər. Neqativ, əsası olmayan materialların yayılmasından çəkinməli, ölkəmizdə sabitliyi pozmaq istəyən qüvvələrin əlinə əsas verməməli, əksinə bu cür çirkin kampaniyalara qarşı mübarizə aparmalıdırlar”.
Median.Az xəbər verir ki, bunu APA-ya açıqlamasında Mətbuat Şurası İdarə Heyətinin üzvü, media eksperti Müşfiq Ələsgərli bildirib.
Müşfiq Ələsgərli deyib ki, bu sabitlik və təhlükəsizlik, bir tərəfdən, ölkənin siyasi rəhbərliyinin iradəsinə bağlıdırsa, digər tərəfdən, bu siyasəti icra edən təhlükəsizlik qurumlarının, o cümlədən polisin fəaliyyəti və peşəkarlığı ilə bağlıdır:
"Təkcə bu faktora əsaslanaraq demək olar ki, Azərbaycan polisi kifayət qədər peşəkar fəaliyyətə malikdir və ölkənin sabit saxlanılmasında, təhlükəsizliyin təmin olunmasında yüksək şəkildə fəaliyyət göstərə bilir. Belə bir peşəkarlığı şübhəyə almaq, hansısa fərqli istiqamətlərlə neqativləri qabartmaq cəhdləri, əlbəttə, iflasa uğramış olur”.
O qeyd edib ki, Azərbaycan polisi həm də vətənpərvərdir:
"Biz onları nəinki gündəlik asayişin qorunmasında, həm də Azərbaycanın ərazi bütövlüyünün qorunmasına fədakar şəkildə xidmət göstərdiyinin şahidi olmuşuq. Azərbaycan polisinin vətənpərvərliyini şübhəyə almaq proseslərə qəsdən qərəzli şəkildə neqativ don geyindirməyin bir əlamətidir. Çox təəssüf ki, polisin ləkələnməsi cəhdlərində bəzən xəbər istehsalçılarının da rolunu görürük. Xüsusilə Şüvəlanda baş verən hadisədən sonra bu kimi halların şahidi olduq. Bəzi xəbər istehsalçıları qondarma və sensasion informasiyalar yaymaqla, guya ki məxfi və bilinməyən, amma əslində kökü olmayan xəbərlərlə auditoriya qazanmaq istəyirlər. Hansı ki bu cür hallar həmişə olub və indi də olmaqdadır. Çox təəssüf ki, indiki prosesin içində təkcə sensasiya üçün deyil düşünülmüş formada Azərbaycandakı sabitliyin və Azərbaycan polisinin kölgəyə alınması istiqamətində kampaniya aparılır. Bütün bunlar, əlbəttə, yolverilməzdir. Regionda sabitliyi pozmaq istəyən bəzi qüvvələrin bu cür kampaniyalara rəvac verdiyini görürük. Təklif edirik ki, bu cür situasiyalarda Azərbaycandakı xəbər istehsalçıları mümkün qədər ehtiyatlı və vətənpərvərlik rolundan çıxış etsinlər. Rəsmi əsası olmayan, təsdiqlənməmiş faktların yayılmasından çəkinsinlər. Bu bir tərəfdən Azərbaycan xəbər istehsalçılarının vətənpərvərlik roludursa, digər tərəfdən isə onlar üçün vacib olan etik davranış kodeksinin tələbidir. Hansı ki Azərbaycan jurnalistlərinin etik davranış kodeksinin 3-cü maddəsinin 3-cü prinsipində bu məsələlərə kifayət qədər toxunulur. Orada jurnalistin əsas olmadan terror, kriminal və bu kimi hallarda sensasiya xatirinə material yaymaqdan çəkinməli olduğu və zorakılıq yaradan təbliğata yer ayırmamalı olduğu qeyd olunur. Yekun olaraq bir daha bildirim ki, bizim xəbər istehsalçıları peşəkar davranmalı, media haqqında qanunun tələblərinə, etik davranış kodeksinin prinsiplərinə əməl etməlidirlər. Neqativ, əsası olmayan materialların yayılmasından çəkinməli, ölkəmizdə sabitliyi pozmaq istəyən qüvvələrin əlinə əsas verməməli, əksinə bu cür çirkin kampaniyalara qarşı mübarizə aparmalıdırlar”.
