Rusiya XİN: "Paris İrəvandan öz məqsədləri üçün istifadə etməyə çalışır"

"Paris Ermənistanın maraqları, Ermənistan xalqının maraqları mövqeyindən çıxış etmir və İrəvandan öz fürsətçi məqsədlərinə çatmaq üçün alət kimi istifadə etməyə çalışır".

Bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı Fransanın Ermənistana silah tədarükünü şərh edərkən deyib.

Zaxarovanın sözlərinə görə, Fransanın Bakı ilə İrəvan arasındakı münaqişənin həllinə kömək etmək imkanı var idi.