Xankəndidə xeyli sayda silah və sursat aşkarlanıb

Fevralın 15-də Xankəndi şəhəri ərazisində 12 silah və xeyli sayda sursat aşkarlanıb.

Bu barədə Daxili işlər Nazirliyi (DİN) məlumat yayıb.

Bildirilib ki, ötən gün Xankəndidə iki ədəd pulemyot, altı ədəd müxtəlif markalı avtomat silahı, bir ədəd tapança, üç ədəd tüfəng, səkkiz ədəd qumbara, 44 ədəd patron darağı, 3114 ədəd müxtəlif çaplı patron və digər sursatlar aşkar olunaraq götürülüb.