Rusiyada prezident seçkisinin vaxtı məlum oldu

Rusiyada prezident seçkisinin keçiriləcəyi tarix məlum olub.

Bununla əlaqədar Rusiya Federal Məclisinin Federasiya Şurası qərar qəbul edib.

Qərara əsasən, Rusiyada növbəti prezident seçkisi gələn il martın 17-də keçiriləcək.

“Mahiyyətcə bu qərar artıq seçki kampaniyasına start verilməsi deməkdir”, - Rusiya Federal Məclisinin Federasiya Şurasının sədri Valentina Matviyenko iclasda bəyan edib.

Mənbə: RİA Novosti