Sabunçuda piyadanı avtomobil vurub

Bakının Sabunçu rayonunda 38 yaşlı qadını avtomobil vuraraq ağır xəsarət yetirib.

“Report”un məlumatına görə, Ramana qəsəbəsində avtomobil yolu keçən Çinarə Madar qızı Əzizovanı vurub.

Yaralı təcili tibbi yardımın köməyi ilə xəstəxanaya çatdırılıb. Müayinə zamanı ona açıq kəllə-beyin travması və baş-beyinin əziyi diaqnozları qoyulub.

Hadisənin təfərrüatı araşdırılır.