Çexiya prezidentinin xəstəxanaya yerləşdirilməsi məsələsi ilə əlaqədar cinayət işi qaldırılıb
Çexiya polisi Prezident Administrasiyasının rəhbərliyi ilə bağlı araşdırma başladıb.
Onlar ölkə başçısı Miloş Zemanın sağlamlıq vəziyyəti haqqında ictimaiyyəti məlumatlandırma zamanı pozuntulara yol verməkdə ittiham olunurlar.
Bundan əvvəl Senatın rəhbəri Miloş Vıstrıçil Zemanın müalicə olunduğu Praqa Mərkəzi Hərbi Xəstəxanasının məlumatlarına istinadən prezidentin səhhəti ilə bağlı jurnalistləri məlumatlandırıb.
Sənədlərə görə, Zeman hazırda heç bir rəsmi vəzifə yerinə yetirmə qabiliyyətində deyil. Bundan əlavə, Zemanın xəstəliyinin xüsusiyyətinə əsasən səhhətinin uzunmüddətli proqnozu son dərəcə qeyri-müəyyən olaraq qiymətləndirilir. Bu səbəbdən Zemanın yaxın gələcəkdə vəzifələrinə qayıtma ehtimalı çox çətin görünür.
Bütün bunları nəzərə alaraq Senatın konstitusiya komissiyası Zemanın sağlamlıq vəziyyəti ilə əlaqədar prezident səlahiyyətlərindən məhrum edilməsi, bu səlahiyyətlərin parlamentin aşağı palatasının spikerinə və baş nazirə verilməsi məsələsinə baxılmasına başlayıb.
Çexiya Konstitusiyasının 66-cı maddəsinə əsasən, Zemanın prezident səlahiyyətlərindən məhrum edilməsi ilə bağlı son qərar parlamentin yuxarı və aşağı palatalarının iclaslarında səs çoxluğu ilə verilə bilər.
Senatın növbəti iclası oktyabrın 26-da keçiriləcək. Oktyabrın 8-9-da keçiriləcək seçkilərdə seçilən parlamentin aşağı palatasının yeni tərkibinin ilk iclası noyabrın 8-də baş tutacaq.
Eyni zamanda, bazar ertəsi Senat rəhbəri, Prezident Administrasiyasının rəhbəri Vratislav Minarjanın məsuliyyətə cəlb olunması məsələsini qaldırıb. Bildirilir ki, o, hələ oktyabrın 13-də həkimlərindən Zemanın sağlamlığının əsl vəziyyəti haqqında məlumat alıb, ancaq ictimaiyyətə məlumat vermək əvəzinə Senat rəhbərini və bir sıra digər siyasətçiləri media oyunları və riyakarlıqda günahlandırıb.
Qeyd edilir ki, prezident administrasiyasının rəhbərliyi tərəfindən törədilə biləcək cinayətlər arasında sabotaj da ola bilər.
Onlar ölkə başçısı Miloş Zemanın sağlamlıq vəziyyəti haqqında ictimaiyyəti məlumatlandırma zamanı pozuntulara yol verməkdə ittiham olunurlar.
Bundan əvvəl Senatın rəhbəri Miloş Vıstrıçil Zemanın müalicə olunduğu Praqa Mərkəzi Hərbi Xəstəxanasının məlumatlarına istinadən prezidentin səhhəti ilə bağlı jurnalistləri məlumatlandırıb.
Sənədlərə görə, Zeman hazırda heç bir rəsmi vəzifə yerinə yetirmə qabiliyyətində deyil. Bundan əlavə, Zemanın xəstəliyinin xüsusiyyətinə əsasən səhhətinin uzunmüddətli proqnozu son dərəcə qeyri-müəyyən olaraq qiymətləndirilir. Bu səbəbdən Zemanın yaxın gələcəkdə vəzifələrinə qayıtma ehtimalı çox çətin görünür.
Bütün bunları nəzərə alaraq Senatın konstitusiya komissiyası Zemanın sağlamlıq vəziyyəti ilə əlaqədar prezident səlahiyyətlərindən məhrum edilməsi, bu səlahiyyətlərin parlamentin aşağı palatasının spikerinə və baş nazirə verilməsi məsələsinə baxılmasına başlayıb.
Çexiya Konstitusiyasının 66-cı maddəsinə əsasən, Zemanın prezident səlahiyyətlərindən məhrum edilməsi ilə bağlı son qərar parlamentin yuxarı və aşağı palatalarının iclaslarında səs çoxluğu ilə verilə bilər.
Senatın növbəti iclası oktyabrın 26-da keçiriləcək. Oktyabrın 8-9-da keçiriləcək seçkilərdə seçilən parlamentin aşağı palatasının yeni tərkibinin ilk iclası noyabrın 8-də baş tutacaq.
Eyni zamanda, bazar ertəsi Senat rəhbəri, Prezident Administrasiyasının rəhbəri Vratislav Minarjanın məsuliyyətə cəlb olunması məsələsini qaldırıb. Bildirilir ki, o, hələ oktyabrın 13-də həkimlərindən Zemanın sağlamlığının əsl vəziyyəti haqqında məlumat alıb, ancaq ictimaiyyətə məlumat vermək əvəzinə Senat rəhbərini və bir sıra digər siyasətçiləri media oyunları və riyakarlıqda günahlandırıb.
Qeyd edilir ki, prezident administrasiyasının rəhbərliyi tərəfindən törədilə biləcək cinayətlər arasında sabotaj da ola bilər.
