İlham Əliyev: “Muxtariyyət artıq müzakirə mövzusu deyil” » Median.Az - Bütün xəbərlər bir ünvanda
19:21 Stresslə mübarizə üçün yeni metod hazırlanıb  |     19:14 Qızılın qiyməti tarixi maksimumu yenilədi  |     19:05 ABŞ Yaponiyaya daha iki “B-1B” strateji bombardmançı göndərib  |     18:58 Bakının hansı küçələrində sıxlıq var?  |     18:54 Bəzi rayonlarda leysan olacaq, dolu düşəcək - XƏBƏRDARLIQ  |     18:39 Orxan Fikrətoğlu nazir müşaviri TƏYİN OLUNDU  |     18:22 Azərbaycanlı FIDE hakimi vəfat edib  |     17:48 Sumqayıt Tekstil Fabrikində kütləvi zəhərlənmə  |     17:37 Durov: "Telegram" heç vaxt şəxsi yazışmaların bir baytını belə açıqlamayıb"  |     17:10 Bakı Xoreoqrafiya Akademiyasına yeni prorektor təyin edilib  |     16:53 Milli Məclisdə iki yeni sektor müdiri təyin edilib  |     16:43 Türkmənistandan Azərbaycana gətirilən pomidorda virus aşkarlandı  |     16:30 Bəzi çaylarda sululuq artıb  |     16:19 IV və VI siniflərdə bəzi fənlər üzrə monitorinq təşkil olunacaq  |     16:15 Bakıda bu ərazidə söküntü işlərinə başlanılacaq  |     16:03 Bakıda əsgər getmək istəməyənlər bunu edib - Laborant analizi öz qanı ilə dəyişib  |     15:43 Xırdalanda arvadını pəncərədən ataraq öldürən şəxsə hökm oxunub  |     15:25 Papanın vəfatından sonra İspaniyada üç günlük matəm elan edildi  |     15:20 Bir sıra şəhər və rayonlarda qanunsuz ağackəsmə faktları ilə bağlı cinayət işi açılıb  |     15:18 Naxçıvanda bacısını öldürən şəxs: "Namusumu küçələrə atmısan"  |    

İlham Əliyev: “Muxtariyyət artıq müzakirə mövzusu deyil”

“Mənim məsələnin həll edilmədiyini deyən həmin ölkələrə tövsiyəm odur ki, öz ərazilərində erməniləri yerləşdirmək və öz ərazilərində ikinci Ermənistan dövləti yaratmaq üzərində düşünsünlər”.

Bu fikirləri sentyabrın 28-də Azərbaycan Respublikasının Prezidenti İlham Əliyev Fransanın “France-24” televiziya kanalına müsahibəsində “Siz Qarabağa muxtariyyət verməyə hazırsınız? Minsk qrupunun üzvü ABŞ hələ də bəyan edir ki, Qarabağ məsələsi öz həllini tapmayıb. Siz bəyan edirsiniz ki, məsələ həllini tapıb və Qarabağ sizə məxsusdur. Lakin illər ərzində bu münaqişədə vasitəçilik edən bir sıra ölkələr iddia edir ki, məsələ həll edilməyib” sualını cavablandırarkən deyib.

“Niyə onlar hesab edirlər ki, hər hansı hüquqi, siyasi və tarixi əsaslar olmadan Azərbaycan ərazisində ikinci erməni dövləti yaradılmalıdır? Mən deyəndə ki, münaqişə həllini tapıb, bu, mənim mövqeyimdir. Mən bu mövqeyi müdafiə edirəm. Mövcud reallıq onu nümayiş etdirir ki, bu, düzgün mövqedir. Münaqişənin həll olunmaması ilə bağlı istənilən bəyanat yersiz olmaqla yanaşı, təhlükəlidir. Münaqişə həll edilməyib deyənlər göstərsinlər ki, o, necə həll olunmalıdır. “Dağlıq Qarabağ” dedikdə onlar nəyi nəzərdə tuturlar? Hansı sərhədlər çərçivəsində, hansı ərazidə, hansı formada? Həmin sualları cavablandırmaq üçün eyham belə yoxdur. Bu səbəbdən münaqişənin həll edilmədiyini söyləmək qeyri-səmərəli və təhlükəlidir. Bu, o deməkdir ki, onu həll etmək üçün düşmənçilik xarakterli digər hərəkətlərə ehtiyac var. Sizin muxtariyyətlə bağlı sualınıza gəldikdə, Minsk qrupunun həmsədrləri 28 il sürən mənasız danışıqlarda Azərbaycanın mövqeyindən çox yaxşı xəbərdardırlar. Biz Azərbaycanda yaşayan ermənilərə müəyyən səviyyədə özünüidarəetmə təqdim etməyə hazır idik. Ermənilər hər zaman bunu rədd edirdilər. Onlar hər zaman “yox” deyirdilər – yalnız müstəqillik. İndi isə münaqişə başa çatdığından, onlar muxtariyyət haqqında danışırlar. Bu isə bizim gündəliyimizə daxil deyil. Bu gün Qarabağda Rusiya sülhməramlılarının məsuliyyət zonasında yaşayan ermənilər ölkəmizdə yaşayan digər etnik qrupların nümayəndələri kimi Azərbaycan vətəndaşlarıdır”, - dövlət başçısı deyib

Sonra Azərbaycan Prezidenti “Yəni, onlara muxtariyyət verilməyəcək. Bu, artıq müzakirə mövzusu deyil?” sualını cavablandırıb:

“Tamamilə doğrudur, bu, artıq müzakirə mövzusu deyil”.скачать dle 11.3




Şahidi olduğunuz hadisələri çəkib bizə göndərin!




            780 28.09.21 21:18