Qazaxda ağır qəza: Sürücü öldü

Qazax rayonunda yol-nəqliyyat hadisəsi baş verib.

Hadisə rayonun Ülkməzli kəndində qeydə alınıb.

Hərəkətdə olan VAZ-2107 markalı minik avtomobilinin sürücüsü yolda idarə etməni itirib. Nəticədə maşın yoldan çıxaraq dərəyə düşüb.

Sürücü, 1983-ci il təvəllüdlü Eldar Osmanov xəstəxanaya aparılarkən yolda vəfat edib.

Faktla bağlı araşdırma aparılır.