Azərbaycanlıların restoranına hücum edən 7 erməniyə hökm oxundu

Moskvanın Nikulin rayon məhkəməsində 7 erməniyə hökm oxunub.

Median.Az bildirir ki, onlar ötən ilin iyul ayında Moskvanın cənub-qərbindəki "Bakinskiy dvorik" restoranına hücumda iştirak ediblər.

Məhkəmənin qərarı ilə A.A.Nikoyan, S.M.Nikoyan, A.A.Apreyan, A.A.Apreyan, A.P.Petrosyan, N.Ş.Petrosyan və R.K. Saakyanın hər biri RF CM-nin 213-cü maddəsinə (silah qismində istifadə olunan əşyalardan istifadə etməklə xuliqanlıq) əsasən 2 il müddətinə azadlıqdan məhrum ediliblər.

Ermənilər cəzalarını ümumi rejimli islah koloniyasında çəkəcəklər.