Yaşıllıq ərazidə baş verən yanğınla bağlı toplanmış sənədlər prokurorluğa göndərilib.
Bu barədə Dövlət Ekoloji Təhlükəsizlik Xidmətinin rəsmisi Vaqif Cavadov məlumat verib.
O bildirib ki, bir neçə gün əvvəl Xətai rayonu, Vunq-Tau küçəsində yaşıllıq ərazidə baş verən yanğınla bağlı aparılan araşdırmalar başa çatıb.
Yanğın zamanı 47 şam ağacının yandığı və təbiətə 37 800 manat məbləğində ziyan dəydiyi hesablanıb.
Yanğının qəsdən törədilməsində şübhələr olduğu və dəymiş ziyanın məbləği cinayət tərkibi yaratdığı üçün toplanmış sənədlər Xətai rayon Prokurorluğuna göndərilib.
Şahidi olduğunuz hadisələri çəkib bizə göndərin!
Son Əlavə