“Bakı Kristal Zalı”nda 17 milyon manatdan çox zərər yığılıb

Bakı Şəhər İcra Hakimiyyətinə məxsus “Bakı Kristal Zalı” MMC 2020-ci ili 7 min 204 manat xalis mənfəətlə başa vurub.

Bu, 2019-cu illə müqayisədə 5.2% azdır.

Ötən il “Bakı Kristal Zalı”nın cəmi əməliyyat gəlirləri 2 milyon 984 min manat (əvvəlki ilə nisbətən 9.4% az), cəmi əməliyyat xərcləri 2 milyon 975 min manat (9.4%% az), o cümlədən kommersiya xərcləri 1 milyon 73 min manat (25.5% az), inzibati xərcləri 1 milyon 691 min manat (8.3% az), mənfəət vergisi ödəmələri isə 1 801 manat (5.2% az) təşkil edib.

Bu il yanvarın 1-nə “Bakı Kristal Zalı”nın aktivləri 174 milyon 230 min manat manat olub. 2019-cu ildə isə cəmi aktivləri 174 milyon 290 min manat idi. Hesabat dövründə qurumun ödənilməmiş zərəri 17 milyon 444 min manat təşkil edib ki, bu göstərici 2019-cu ildə 17 milyon 377 min manat olub.

Xatırladaq ki, “Bakı Kristal Zalı” 2012-ci ildə yaradılıb. Onun nizamnamə kapitalı 191,6 milyon manatdır.

скачать dle 11.3

Şahidi olduğunuz hadisələri çəkib bizə göndərin!