Azərbaycanda fəaliyyət göstərən "Dalğa TV" kanalının yayımı müvəqqəti dayandırılıb.
Telekanal yayımında 9 aprel tarixindən etibarən məhdudiyyət yaranıb.
"Dəyərli izləyicilərimiz! Texniki səbəblərə görə hazırda "Dalğa TV"nin yayımında məhdudiyyət yaranıb. Yaranmış vəziyyətin həlli istiqamətində tərəfimizdən intensiv işlər aparılmaqdadır. Yaxın zamanda məsələnin müsbət nəticələnəcəyinə ümid edir, anlayışınıza görə təşəkkür edirik!" - deyə kanaldan bildirilib.
Qeyd edək ki, 14 noyabr 2017-ci ildə Milli Televiziya və Radio Şurasının iclasında "Dalğa TV"-nin peyk yayımı üçün lisenziya verilməsi barədə müraciətinə baxılıb. İclasda Dalğa TV-yə peyk yayımı üçün müddətsiz lisenziya verilməsi barədə qərar qəbul edilib. 20 noyabr 2017-ci ildə Dalğa TV "Azerspace-1" peyki ilə test yayımına başlayıb. Həmin test yayımı müddətində yalnız filmlər göstərilirdi.
Şahidi olduğunuz hadisələri çəkib bizə göndərin!
Son Əlavə