Antiinhisar və İstehlak Bazarına Nəzarət Dövlət Xidməti sahibkarları dövlət satınalmalarında fəal iştiraka dəvət edib.
Dövlət xidmətindən verilən məlumatda bildirilib ki, sahibkarlar elan olunan tenderlər barədə “e-tender.gov.az” portalı və KİV-dən məlumat əldə etməklə öz fəaliyyət istiqamətləri üzrə qeydiyyatdan keçib tenderlərdə iştirak edə bilərlər.
Qeyd olunub ki, xidmət dövlət satınalmalarının şəffaflaşdırılması, satınalmaların sahibkarlıq subyektləri üçün əlçatanlığının daha da artırılması, sağlam rəqabət mühitinin yaradılması, həmçinin təbii inhisar subyektlərinin fəaliyyətinə dövlət nəzarəti üzrə tədbirlərini davam etdirir və bu istiqamətlərdə aidiyyəti qurumlarla əməkdaşlığını genişləndirir.
Şahidi olduğunuz hadisələri çəkib bizə göndərin!
Son Əlavə