Xorvatiyada baş verən zəlzələ nəticəsində 7 nəfər həlak olub.

"Report" xəbər verir ki, bu barədə yerli hakimiyyət orqanları məlumat yayıb.

Məlumata görə, daha 20 nəfər tibbi yardıma müraciət edib. Onlardan 2-nin vəziyyəti ağırdır.

Qeyd edək ki, bu gün Xorvatiyada 6,4 bal gücündə zəlzələ olub.

Yeraltı təkanların mərkəzi əhalisi 800 min nəfərdən çox olan Zaqreb şəhərindən 51 km cənub-şərqdə, əhalisinin sayı 50 min nəfərə yaxın olan Sisak şəhərindən 9 km cənub-qərbdə yerləşib.

Zəlzələ 10 km dərinlikdə baş verib.

Xatırladaq ki, dünən də Xorvatiyada 5,2 bal gücündə zəlzələ qeydə alınıb.

***

Xorvatiyada 6,4 bal gücündə zəlzələ olub.

“Report” xəbər verir ki, məlumatı Avropa-Aralıq dənizi seysmoloji mərkəzi yayıb.

Bildirilib ki, yeraltı təkanların mərkəzi əhalisi 800 min nəfərdən çox olan Zaqreb şəhərindən 51 km cənub-şərqdə, əhalisinin sayı 50 min nəfərə yaxın olan Sisak şəhərindən 9 km cənub-qərbdə yerləşib.

Zəlzələ 10 km dərinlikdə baş verib. Qurbanlar və dağıntılar barədə məlumat yayılmayıb.

Qeyd edək ki, dekabrın 28-də Xorvatiyada 5,2 bal gücündə zəlzələ qeydə alınıb.скачать dle 11.3