Türkiyə Müdafiə Nazirliyi erməni təxribatı nəticəsində Azərbaycan əsgərinin şəhid olmasını pisləyib

"Ermənistan atəşlə oynamağı dərhal kəsməlidir!"

APA-nın yerli bürosunun xəbərinə görə, Türkiyə Müdafiə Nazirliyinin rəsmi "Twitter" səhifəsindən paylaşılan açıqlamada belə yazılıb.

Qeyd olunub ki, Dağlıq Qarabağı haqsız işğal edən Ermənistan indi də Tovuz bölgəsindəki atəşkəs şərtlərini pozub: "Ermənistan bir qəhrəman Azərbaycan əsgərimizi şəhid edib. Şəhidimizə Allahdan rəhmət diləyirik, bütün azərbaycanlı qardaşlarımıza başsağlığı veririk".