Azərbaycan Həkimləri İctimai Birliyinin təsisçilərindən biri, radioloq-həkim Aydın Əliyev maaşlarının gecikdirilməsindən şikayət edib.
“Bu gün avqust ayının 18-dir! Koronavirusla mübarizə aparan fədakar tibb işçiləri hələ iyul ayının maaşını almayıblar! Maaşları verən kimdir bilmirəm, amma onlara demək istəyirəm ki, əməlinizdən utanırsızmı?”.
Bizimyol.info-nun xəbərinə görə social şəbəkədə maaşının gecikdirilməsinə etiraz edən həkim koronavirusla mübarizə aparan həmkarları ilə müəllimləri müqayisə edib.
“Bu qədər də insafsızlıq olar? Necə olur ki, aylardır işləməyən universitet maaşları verir! Siz dövlətin ayırdığı milyardlarla vəsaitdən bu fədakar insanların əmək haqqlarını vermirsiz!
Hər gün qürurla elan etdiyiniz 200-300 sağalan xəstələri həmin o əmək haqqlarını vermədiyiniz fədakar tibb işçiləri müayinə və müalicə edir! Söz tapmıram deməyə!”
Şahidi olduğunuz hadisələri çəkib bizə göndərin!
Son Əlavə