Sərt karantin rejiminə əməl etməyənlər həbs olunacaq » Median.Az - Bütün xəbərlər bir ünvanda
16:59 ABŞ-nin Azərbaycandakı səfirliyinin əməkdaşı yarım milyon manatdan artıq dələduzluqda ittiham olunur  |     16:51 Arkadi Qukasyanın cinayət işi üzrə verdiyi ifadələr və ona aid olan digər sənədlər elan edilib  |     16:34 İçərişəhərdəki ağacların qeydiyyatı və nömrələnməsinə başlanıldı  |     16:26 Arzu Əliyeva Şamaxı rayonundan paylaşım edib - FOTO  |     16:22 Valideynlərinin zorakılığa məruz qoyduğu azyaşlılar körpələr evinə yerləşdiriləcək  |     15:38 Biləsuvarda maşın aşdı, azyaşlı yaralandı  |     15:37 Yanğın olan DOST Mərkəzi müvəqqəti bağlandı  |     15:23 Paşinyan 9 Noyabr Üçtərəfli Bəyanatının qüvvədən düşdüyünü bildirib  |     14:58 Naxçıvan Hərbi Məhkəməsində hakim təqsirləndirilən hərbçilərə prokurorun istədiyi cəzadan daha artıq cəza təyin etdi - FOTO  |     14:48 Sabah Biləsuvarda 800-dən çox abonentin qazı kəsiləcək  |     14:46 İki valyutadəyişmə məntəqəsinin lisenziyası dayandırıldı  |     14:15 Paşinyan Ermənistanın Aİİ-dən çıxmasını istisna etmir  |     13:34 Paşinyan gələn ay Rusiyaya səfər edəcəyini bildirib  |     13:26 Quba-Xınalıq yolundakı dəhşətli qəza ilə bağlı YENİ DETALLAR  |     13:25 Naxçıvan hava limanında 10 min manatlıq qızıl-zinət əşyaları oğurlanıb  |     13:24 Hərbi cinayətlər törətməkdə təqsirləndirilən erməniəsilli şəxslərin məhkəməsi davam edir  |     13:23 "Qarabağ"ın sayəsində Azərbaycan UEFA əmsallar cədvəlindəki yerini möhkəmlədib  |     12:55 Daha bir Tiktoker polis tərəfindən saxlanıldı  |     12:38 Məhkəmə həbsdə olan "Ekstrasens Hikmət"lə bağlı qərar verdi  |     12:30 Sumqayıtın qaz təchizatında məhdudiyyət olacaq  |    

Sərt karantin rejiminə əməl etməyənlər həbs olunacaq

Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlərə əməl etməynlər məsuliyyətə cəlb olunacaq.

Bu barədə Baş Nazir Əli Əsədovun "Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə" imzaladığı qərarda bildirilib.

Bu qərarla müəyyən edilən hərəkət məhdudiyyətlərinin tətbiqi qaydalarının pozulmasına görə fiziki, hüquqi və vəzifəli şəxslər İnzibati Xətalar və Cinayət məcəllələrində nəzərdə tutulmuş qaydada məsuliyyət daşıyırlar.

Qeyd edək ki, İnzibati Xətalar Məcəlləsinin 211-ci maddəsinə əsasən, epidemiya əleyhinə rejimin, sanitariya-gigiyena və karantin rejimlərinin pozulmasına görə, fiziki şəxslər 100 manatdan 200 yüz manatadək, vəzifəli şəxslər 1 500 manatdan 2 500 manatadək, yaxud işin hallarına görə, xətanı törədənin şəxsiyyəti nəzərə alınmaqla, 1 ayadək müddətə inzibati həbs tətbiq olunur.

Bu əmələ görə, hüquqi şəxslər 2 000 manatdan 5 000 manatadək məbləğdə cərimə edilir.

Epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər və hüquqi şəxslər tərəfindən həmin tələblərin pozulmasının qarşısının alınmamasına görə fiziki şəxslər 50 manat məbləğində, vəzifəli şəxslər 100 manat məbləğində, hüquqi şəxslər 200 yüz manat məbləğində cərimə edilir.

Bu inzibati xətalarla bağlı inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə fiziki şəxslər 100 manat məbləğində, vəzifəli şəxslər 200 yüz manat məbləğində, hüquqi şəxslər 400 yüz manat məbləğində cərimə edilir.

Maddədə nəzərdə tutulmuş inzibati xətalar haqqında işlərə Daxili İşlər Nazirliyi baxır.

İnzibati həbslə və hüquqi şəxslərin cərimələnməsi ilə bağlı protokollar isə baxılması üçün rayon (şəhər) məhkəmələrinə göndərilir.

Bundan başqa, Cinayət Məcəlləsinin 139-1-ci maddəsində epidemiya əleyhinə rejimin, sanitariya-gigiyena və ya karantin rejimlərinin pozulmasına görə, cinayət məsuliyyəti müəyyən edilib.

Belə ki, bu əməl xəstəliklərin yayılmasına səbəb olduqda və ya xəstəliklərin yayılması üçün real təhlükə yaratdıqda 2 500 manatdan 5 000 manatadək miqdarda cərimə və ya üç ilədək müddətə azadlığın məhdudlaşdırılması və ya üç ilədək müddətə azadlıqdan məhrum etmə ilə cəzalandırılır.

Eyni əməllər ehtiatsızlıqdan insan ölümünə və ya digər ağır nəticələrə səbəb olduqda 3 ildən 5 ilədək müddətə azadlıqdan məhrumetmə ilə cəzalandırılır.скачать dle 11.3




Şahidi olduğunuz hadisələri çəkib bizə göndərin!




            1 326 19.06.20 19:53