Dünyada koronavirusdan ölənlərin sayı 300 mini ötüb

Dünyada yeni növ koronavirusdan ölənlərin sayı 300 749 nəfərə çatıb.

Median.Az Trend-ə istinadən bildirir ki, bu barədə koronavirus üzrə statistikanı izləyən "Worldometers" portalında bildirilib.

Məlumata əsasən, saat 21:17 (GMT+4) üçün koronavirusa yoluxanların sayı 4 487 691 nəfərə, koronavirusdan sağalanların sayı isə 1 688 631 nəfərə çatıb.

Qeyd edilir ki, ən çox yoluxma və ölüm halları ABŞ-da qeydə alınıb (1 439 498 yoluxma və 85 754 ölüm halı).