Ukraynanın şimalındakı Çernobıl ərazisində hələ aprelin 5-dən başlayan meşə yanğını 1986-cı ildə qəza baş verən Atom Elektrik Stansiyasının (AES) reaktoru üçün təhlükə yaradır.
Median.Az xarici KİV-ə istinadən xəbər verir ki, keçmiş AES-in təcrid zolağının bir hissəsinə xeyli ziyan yetirən yanğın artıq 8 600 akr ərazini əhatə edib.
Hadisə yerinə yanğın xidmətinin 400 nəfər əməkdaşı, 100 yanğınsöndürən avtomobili və bir neçə helikopter cəlb edilib.
Son həftə ərzində ərazidə tüğyan edən yanğın üzündən radiasiya səviyyəsinin adi səviyyədən 16 qat artıq olduğu və ətraf əhali üçün təhlükə yaratdığı bildirilir. Buna görə ərazidə yerləşən Poliske kəndində yaşayan 20 nəfər təxliyə olunub.
Təcrid Zolağının Bölgüsü Dövlət Agentliyinin nümayəndəsi Katerına Pavlova bütün səylərini AES-i yanğından qorumaqolduğunu bildirib.
Qeyd edək ki, 1986-cı ilin 26 aprel tarixində Çernobıl Atom Elektrik Stansiyasında baş vermiş qəza tarixin ən irimiqyaslı texnogen qəzasıdır. 1945-ci ildə Yaponiyanın Xirosima şəhərinə atılmış nüvə bombasından 500 qat güclü olan partlayış nəticəsində ilk günlər ərzində 50-dən artıq, sonrakı dövrdə isə 7 minədək adam ölüb.
Şahidi olduğunuz hadisələri çəkib bizə göndərin!
Son Əlavə