Türkmənistanda hər yeri, hamını tüstü ilə dezinfeksiya edirlər

Türkmənistanda koronavirusa görə çox narahatdırlar. Virusa yoluxmamaları üçün ölkədə az qala hər yeri, hamını dezinfeksiya edirlər.

Median.Az xəbər verir ki, Türkmənistanda mikrobların zərərsizləşdirilməsi tədbirləri üçün dəvətikanından istifadə olunur. Bu bitkini yandıraraq tüstüsünü hər yerə yayırlar. Hətta insanlara da bu tüstüdən verirlər.

Məktəblərdə, uşaq bağçalarında, xəstəxanalarda profilaktik tədbirlər görülür. Sahə həkimlərinə ciddi tapşırıq verilib. Bütün evlər dəvətikanı tüstüsü ilə dezinfeksiya olunmalıdır.

Türkmənistan hökuməti bu tədbirlərin nəyə xidmət etməsi haqda rəsmi açıqlamadan yayınır. Amma həkimlər qeyri-rəsmi söhbətdə məhz koronavirusa görə belə addım atıldığını etiraf edir.

Türkmənistan prezidenti Qurbanqulu Berdıməhəmmədov xalq təbabətinə böyük əhəmiyyət verir, bu haqda kitablar yazır. Onun kitablarında dəvətikanı xüsusi yer tutur.

İndiyə qədər koronavirusa 10 mindən çox insan yoluxub, 200 nəfərdən artıq adam tələf olub. Virusun qeydə alındığı ölkələrin sayı 20-yə çatıb.//bizimyolinfo.azскачать dle 11.3

Şahidi olduğunuz hadisələri çəkib bizə göndərin!