Yevlaxda ağır yol qəzasında ölənlərin şəxsiyyəti məlum olub - VİDEO (YENİLƏNİB)

Yevlax rayonunda baş vermiş ağır yol qəzasında ölən digər şəxlərin kimliyi məlum olub.

Median.Az "Report"a istinadən xəbər verir ki, Qaraməmmədli kəndində baş verən hadisə nəticəsində Yevlax rayon Qaraməmmədli kənd sakini, 1967-ci il təvəllüdlü İlqar Yaqub oğlu Namazov, Goranboy rayon Xanqərvənd kənd sakini, sürücü, 1974-cü il təvəllüdlü Elman Abbas oğlu Musavi ölüblər.

Qeyd edək ki, Qaraməmmədli kəndində "Mitsubishi" markalı minik avtomobili ilə yük maşını toqquşub. Qəzada ölənlərin meyitləri Səhiyyə Nazirliyinin Məhkəmə-Tibbi Ekspertiza və Pataloji Anatomiya Birliyinin Yevlax rayon şöbəsinə təhvil verilib.

Faktla bağlı araşdırma aparılır.

***

Yevlaxda ölümlə nəticələnən ağır yol-nəqliyyat hadisəsi baş verib.

Median.Az-ın APA-ya istinadən verdiyi xəbərə görə, hadisə Yevlax rayonu, Qaraməmmədli kəndi yaxınlığında qeydə alınıb. İki avtomobilin toqquşması ilə nəticələnən yol qəzası nəticəsində 3 nəfər ölüb.

Faktla bağlı araşdırma aparılır.